Momay

我係熱愛足球嘅油漆佬。 網誌

體育

印尼華人踢足球阻力

印尼華人踢足球阻力
廣告

廣告

農曆新年又嚟,又係戴面具做人同互相認叻嘅日子,咁重要同柒碌嘅日子,所有華人都好重視,包括印尼嘅華人,透過親友Facebook見到西加華人聚居地非常好氣氛,提起印尼華人,又令我諗起現時喺印尼頂級聯賽唯一一位身上擁有100%華人血統嘅球員sutanto tan,又即係陳小龍,現時佢轉會去咗峇里聯,喺前日亞協盃有上陣,不過踢到一pat屎,可能根本冇乜華人選擇做足球員,佢自然成為部分人嘅焦點,曾經好多球迷對佢充滿希望,不過一年沉過一年,上年喺佩斯查多數踢後備,而且位置愈踢愈後,現時都係峇里聯後備。

其實印尼華人好多都係足球迷,但因為太多問題令印尼華人遠離職業足球,除咗種族問題,仲有揾食問題,有唔少華人家庭都認為喺印尼踢波冇錢途,過往間中都會閃一兩個華人球員出嚟,但好快就會消失,唔係踢唔掂就係因為家人反對,好似陳小龍呢啲肯堅持而且屋企人支持,少中有少。

典型華人家庭觀念離不開講錢,印尼華人一樣。

廣告