立即捐款

社運

前民主黨劉慧卿助理 留守老邨服務長者

前民主黨劉慧卿助理 留守老邨服務長者
廣告

廣告

(獨媒特約報導)咩驅使你落區?

一邊兼職修讀社工,一邊在將軍澳厚德邨服務的王卓雅咁答,「鐘意呢條邨,同埋鐘意老人家」、「辛苦但 enjoy。」

現為將軍澳民生關注組成員的王卓雅,自言成為社區主任是「機緣巧合」。她本為商科學生,後來在民主黨實習,完成實習後成為葵青區議員林紹輝的兼職議員助理。她自言被林紹輝感染:「佢做地區工作嘅心令我學咗好多嘢,希望以佢為榜樣。」

王卓雅隨後成為前民主黨立法會議員劉慧卿的全職議員助理,「佢兩個都係好好嘅議員,所以就令我想做社區主任。」

劉慧卿2016年不再連任下,民主黨西貢區議員謝正楓退黨。王卓雅則在謝的介紹下,加入將軍澳民生關注組。她形容「成件事好開心」:「有一班志同道合嘅人一齊做,同埋佢哋喺唔同方面都可以畀意見我。」

厚德邨屬將軍澳較早期的屋邨,長者比例不少。王卓雅選擇在此落腳,自言是因為傾向服務公屋及長者,「有時啲老心家唔識用電話都會搵我幫手。」她又提到為長者量血壓的經歷特別深刻:「有啲老人家自己住,仔女又好少返去食飯,平時比較悶,會搵我哋傾下計。有次幫佢哋量血量嘅時候見到個老人家瘦咗好多,我當時忍唔住捉住佢隻手叫佢食多啲野。」

37381710_640121119691042_6595092063065210880_n

王卓雅認為地區工作「有人情味」,「喺地區工作幫到好多街坊」,建立的關係亦「唔係一般見得到」。「地區工作係一份好以人為本嘅工作,我哋細細個嘅時候成日都聽以前嘅屋邨係好有人情味,但依家嘅屋邨變咗好多。做地區工作就係盡量去同街坊凝聚關係,唔只係同我,係街坊同街坊之間。」

對於2019年的區議會選擇,王卓雅「言之尚早」,「暫時會想服務多啲」。「屋企人開頭都唔明做乜要自己貼錢做啲咁嘅野,又吃力不討好」,但王卓雅表示「辛苦,但 enjoy」。

IMG_9083

2015年區議會選舉,民建聯凌文海以2,679票擊敗民主黨、獲2,261票的曾浩文。

記者:王沛嘉

廣告