【獨媒報導】政府安排宏新閣居民第三日上樓執拾，居住在高層的吳小姐陪同七旬父親一起上樓，指父親曾多做運動，「為上樓備戰」，另會為未能上樓的母親直播執拾過程：「間屋佢自己買嘅，你同佢道個別都有需要，佢心結嚟。」她表示，希望能取回金器、現金、信件、手造品及有價值的物品。
吳小姐今早上樓前接受記者訪問，稱父親即使年紀較大，惟仍希望上樓，「始終住咗咁多年，佢哋心願嚟」。她又表示，上樓希望取回金器、現金、信件、手造品及有價值的物品。被問到會否跟屋企道別，吳小姐坦言沒有特別儀式，但會盡量多看幾眼，或會在心中「跟屋企say goodbye」。她自出生以來，已住在該單位：「都無話可惜嘅，生活就係要繼續前進，搵得到舊嘅嘢咪舊，搵唔到咪斷捨離。」
吳先生兒子
七旬長者為重返高層單位執拾 提前練習上落樓梯
年逾70歲、居住在25樓吳先生，他為了上樓執拾，提前兩星期練習上落10層樓梯，其兒子則準備了柺杖椅及鐵鏟。對於單位情況，吳先生已有心理準備，指所有現金已經全部燒毀，希望能找回金飾：「睇咗好多（單位）相，6幅相，燒清光㗎啦！」不過，吳先生仍希望回家看一看，「都住咗40幾年，咁有感情都想上去睇睇」。
吳先生的兒子則表示，今次或許是最後一次回家，將上樓當作一個告別式，稱在執拾後仍有很多事情處理，包括長遠居住等：「睇相其實都知道係冇晒嘢㗎啦……say goodbye咁樣，叫做無言嘅告別，都唔係話想執返啲乜嘢，望返去叫做一個暫時結束Step one先。」
麥先生
上樓取回愛貓骨灰 平常心看待「攞得幾多得幾多」
同樣居住在宏新閣25樓的麥先生，希望上樓可以取回愛貓的骨灰及貴重物品。麥先生已在該單位住了30多年，稱看過「一戶一社工」的相片，單位被燒毀情況不嚴重，「乜嘢都要拎」。他希望能取回愛貓的骨灰及貴重物品，「平常心囉，都冇乜特別嘢，攞得幾多得幾多」。
此外，麥先生稱另一隻已陪伴多年的貓貓，已在火災中喪生，今次上樓執拾，便攜帶了一束鮮花作悼念。他透露愛貓在火災首日不幸焗死，消防員及後將其遺體帶到樓下。他與另外三名男丁的親友上樓執拾，期望當局能再次開放與他們執拾，「搬屋都四、五十箱啦」。