左起：妹妹、姐姐
【獨媒報導】大埔宏福苑居民連續第10日上樓執拾，當局今日開放宏泰閣5個、宏建閣10個樓層。宏泰閣過半單位在大火中有損毀，居住宏泰閣低層的張氏姊妹在執拾後接受訪問，妹妹指家中焚毀嚴重，所有地方全燒，二人只能在家中執拾到相簿，「相簿最值得紀念」。姐姐向《獨媒》稱，屋企對家中四代人都很有意思，上樓後獻花及致敬，「佢滿載我哋美好嘅回憶」，指在頹垣敗瓦之中的一束花，代表新希望，「要過去嘅嘢就過去咗，我哋都唔需要太創傷、哀傷，而係堅強地向前行。」
他們已居住宏福苑42年，兩姊妹在大火前同住在該單位，一家人四代同堂，該單位可說是祖屋，「我哋爺爺、嫲嫲、父母成就我哋」。
張氏姊妹提供照片
感謝警察、無私協助居民
在大火後5個月再次踏入宏福苑，姐姐形容如同戰場，感到十分震撼。妹妹就形容看到屋内情況「傷心嘅」，並且雙眼紅腫：「有少少唔捨得，同間屋講byebye。」姐姐則從旁補充說，「但豁達咗喇，我哋依家向前行」、「希望所有宏福苑嘅人都向前行，過去喇。」她期望居民能放下傷痛，重過新生活及積極人生。
被問到為何能夠放得開，姐姐認為「只要繼續努力，必有希望」：「我哋重新出發，我都希望宏福苑所有居民可以重新出發，大家加油。」姐姐續指，最感動的是警察、義工無私協助居民：「雖然我哋好傷心，但佢哋比好多希望我哋。我哋亦都希望大家香港，大家一齊團結精神，向前望，香港會更好！」
有居民嘆要學做「壞人」
宏建閣低層居民林先生在上樓前未獲「一戶一社工」提供單位相片，估計損毁情況或不太嚴重。
在發生大火後5個月回家，林先生慨嘆「想快啲完咗件事」：「都磨咗半年，咁學下做『壞人』，貪心忘舊係好事⋯⋯呢度嘅環境，但係就冇辦法啦，都燒到咁樣啦，都焗住搬屋啦，都係叫做換一個新環境，都住40幾年」。
居民不滿僅提供單位門口 嘆如開盲盒
另一宏泰閣低層單位居民廖先生，不滿「一戶一社工」僅提供一張單位門口的相片，無法得知屋內的實際情況，「所以而家開盲盒咁，睇吓返去攞得幾多得幾多」，亦難以提前準備工具及物品。
他向記者指「我驚啲袋唔夠用」：「攞多一兩個袋，希望就係呢度攞多啲嘢。」他認為，當局可以為居民提供更多相片，例如客廳、房間、及廚房各影一張相，讓居民做好心理準備回家執拾。
廖先生一家自宏福苑落成後入住，已居住了40多年，坦言「好多嘢都想拎」：「個心即係好忐忑，由冇到有，我入嚟住冇街市㗎⋯⋯守咗年幾兩年先有廣福邨。」他又表示得知有鄰居離世，已經做好上樓的心理準備。