【獨媒報導】宏福苑居民第二輪上樓執拾，有居民近日上樓，在單位窗邊張貼標語，但訴求卻被移除。曾在宏福苑聽證會作供、居住在宏盛閣的居民梁先生今日再次上樓，稱居民正常在單位的時候，政府人員亦不會入內：「佢哋可能出於好心，喺我哋走咗之後先幫手撕咗佢，唔知啦，係咪先？」他又表示，大火發生半年至今，居民表達意見的途徑有限、欠直接，「好似一個單向嘅訊息流通」，期望能夠理性坐下來，透過雙向溝通討論，而召開業主大會是其中一個方法。
梁先生今日再次上樓，指單位在大火後有灰，上次上樓忙於清潔，不少物品例如漫畫、書本、電腦配件尚未執拾，今次希望能夠取回。他今日亦帶同工具，希望能將大型家具包括梳化帶走，「都係盡量、盡能力睇下可唔可以拎齊哂啲嘢」。
然而，梁先生指每次上樓都視為最後一次機會：「返到屋企都返，始終喺度20幾年，冇可能一個道別都唔講。」但他稱未知會否有時間「懷念屋企」：「可能真係拎哂、冇嘢喇，啲情緒先會出嚟。」
資料圖片
諷人員撕走標語或「出於好心」
有宏福苑居民近日上樓，在單位窗邊張貼標語，但訴求卻被移除。梁先生稱，居民正常在單位的時候，政府人員亦不會入內：「佢哋可能出於好心，喺我哋走咗之後先幫手撕咗佢，唔知啦，係咪先？」
他表示大火至今，自己曾從不同的渠道表達意見，「但佢（政府）都唔聽嘅⋯⋯呀唔係，sorry收返，可能佢哋聽到，經過心思熟慮嘅考慮之後就不予接納。」
聽證會未聞道歉僅聽到「不理想」 強調溝通應雙向
談到獨立委員會的調查進度，梁先生稱明白發生「大件事」，很多調查仍在進行中：「我唔批評嘅，我非常良性建設，我相信陸法官、其他律師其實好努力。」不過，他舉例指泊車刮花別人的車輛，事主都要講聲「唔好意思」，在聽證會上「唔好話道歉」，聽得最多的只是「不理想」，另有一些關鍵人物未有作供，預料難以知道事實全貌。
梁先生又指假若委員會最終提出建議，政府亦可以選擇不採納 ，希望報告可以清楚點出大火的直接成因，「要讓居民知道，亦要讓居民看到進度」。
在訪問中，梁先生強調，溝通是重要及雙向的過程：「每一個宏福苑業主又好、住户又好，都係件事嘅持份者，大家都想件事好、快啲解決件事、好好解決咗佢。過去咗嘅人就過去咗，無辦法。但在生嘅，大家都希望件事可以圓滿解決，但係其實可以表達嘅途徑好有限、亦好唔直接」。他慨嘆，政府或許想聆聽居民意見，但就只會透過一張問卷供居民選擇，居民在填寫後亦不知道政府是否真的曾考慮。
嘆「單向訊息流通」 望舉行業主大會
宏福苑大火發生至今半年，梁先生認為居民的感覺是「單向訊息流通」，當局在拍板後便通知居民，當居民有不同意見，包括相反意見、疑問，並希望表達的時候，當局卻充耳不聞：「我哋講有我哋講，但係佢哋有冇聽，我們真的唔係好感覺到 。」他希望，能夠不理性坐下討論的機會，業主大會是其中一個方法。
至於居民長遠居住安排，梁先生稱現時傾向出售業權：「係要拆、無得選擇嘅情況下，作為一個單純嘅理性考量，我都係要賣俾你。」