【獨媒報導】宏昌閣、宏道閣今日繼續開放讓居民上樓執拾，宏道閣住戶盧小姐，她最想拾回自嬰兒時陪伴至今的公仔，及兒時珍藏的Yes!Card、鎖匙及獎牌等。對於政務司副司長卓永興早前的「斷捨離」論，盧小姐表明不同意：「斷唔到㗎，黐線咩！冇可能斷到㗎！斷唔到嘅、拎唔到嘅咪影囉，影得幾多得幾多。」
盧小姐自出生後一直住在宏福苑，雖然已搬離娘家數年，偶爾亦會回家，惟單位內仍有不少兒時珍藏。對於發生大火，盧小姐5個月以來的心情都是「盡量唔好諗」，她坦言事發後的兩星期最難受，但「life must go one」，難過後亦要如常上班與生活，及協助父母處理善後工作。
一家四口上樓 盼取回外祖父母遺物
單位位於21樓，盧小姐今早與六旬父母、弟弟一起上樓執拾，她準備了一個大背囊，媽媽則帶備了紅白藍膠，並會使用家中的行李箱。盧小姐最想帶走的是，自嬰兒時陪伴至今的公仔，及兒時珍藏的Yes!Card、鎖匙及獎牌等。說到Yes!Card，盧小姐向記者分享指，其收藏以分類擺放。
不過，盧小姐指今次上樓最重要還是協助父母執拾，「爹哋媽咪啲嘢緊要啲，值錢好多」。除了重要文件及金飾，她指家中有不少具紀念價值的物品，例如出世紙、爸爸珍藏的菲林單鏡相機、外祖父母遺下來的物品，包括木凳仔、米缸等。她又提到，家中大部分都是木傢俬，最希望能搬走家中茶几：「我阿媽差唔多想成間屋搬走，但係呢個係冇可能嘅事情。」
回應卓永興斷捨離論 居民：黐線咩
對於政務司副司長卓永興早前的「斷捨離」論，盧小姐表明不同意：「斷唔到㗎，黐線咩？冇可能斷到㗎。斷唔到嘅、拎唔到嘅咪影囉，影得幾多得幾多。」
盧小姐居住在21樓，屬於中層，她已決心「走兩轉」，把家中的物品盡量搬走。另外，盧小姐指父親認為或有第二次上樓機會，但她已向爸爸表示不應有幻想：「你知佢哋安排嘅啦，你當一次拎晒所有嘢算啦。」
大火當日致電父親逃生
在大火當日，盧小姐的父親在家中午睡，她在得知發生火警後，連忙打電話給爸爸：「打電話第一次唔聽，隔多十零分鐘就第二次，『喂，聽啦喂！醒啦喂！走啦！』跟住之後再隔多一陣，佢就話『我決定走啦，我見到有煙入嚟啦。』」
說起來輕描淡寫，實際卻猶有餘悸，父親後來向她分享逃生經歷：「開頭佢覺得冇乜嘢，但係其實唔係冇乜嘢囉，因為佢冇諗過咁遠都燒到過嚟，黐線嘅。」盧小姐憶述，父親帶上N95口罩離開時，應已是大廈最後一人落樓，在行樓梯的時候，「落到去黑晒㗎啦」。