宏泰閣住戶葉家駒
【獨媒報導】妻子在大火中罹難的宏泰閣住戶葉家駒，以涉事方身份參與宏福苑火災獨立委員會，他在第五天聽證會作證。葉先生在作證尾聲，最後陳詞時批評，在聽到政府代表大律師陳詞時，覺得原來公務員還是「一貫做法」，「依足程序、法例冇講，根深蒂固嘅陋習，成為公務員辦事準則。唔願意再行多一步，冇發揮好功能。」葉先生形容這種做法是「侮辱職責、專業」。他更指「成個火災就係一連串疏失導致，少做少錯、唔做唔錯嘅陋習。」
他續指「優秀公務員唔係做咗件事，係做好件事」，他反問如果部門覺得某件事非其工作範疇，「係咪應該調返轉講，有咩係關佢事？係咪應該諗有咩可以做得好啲，而唔係唔關我事就算數？」
杜淦堃
聽杜淦堃陳詞隱約見真相
葉先生在陳詞尾聲表示，在獨立委員會代表大律師杜淦堃開案陳詞時，「我已經隱約見到，真相好似慢慢浮出水面」，他表示對委員會絕對信賴，指所有宏福苑居民都期盼還原真相、給居民交代、「還我公義」。葉先生感謝大律師杜淦堃團隊花很多時間還原真相，亦感謝所有前線消防、救護和警務人員。
葉先生指，過去幾天聽證會聽到很多街坊不斷自責，自己亦然，覺得做得不夠好，「如果我早1分鐘打俾太太可能冇事」。他說「但係一班應該要負責嘅人，千方百計咁迴避」，他指如果要用1,984戶流離失所、168條寶貴生命犧牲、多人面對漫長復康，是代價太大。
葉先生反問，如果今天需要負責人士仍然推卸責任，「有份令災難發生嘅，如果可以輕輕帶過，點樣向我哋交代？」他說檢討、改善陋習、防止悲劇再次發生很重要，希望有關人士能如特首李家超所言負責到底。
葉先生亦提到，現在建築條例很多規管似乎針對新建樓宇，對於有人居住大廈的大維修缺少規管，例如可能沒有規管封窗情況，規管應更嚴格、要求更高：「有冇審視過，工程時係有人居住、生活？」
宏福苑火災獨立委員會 聽證會｜第五日
居民作證批公務員「依足程序、法例冇講」 屬「根深蒂固陋習」
宏福苑火災獨立委員會 聽證會｜第四日
首位打999居民逃生時窗外成火海 不解為何「線路繁忙」：我真係等咗好耐
85歲冼婆婆火海中獲救 哽咽感謝消防員救人時不忘帶走遺體：香港嘅驕傲
宏泰閣老翁憶5小時待救 潑濕棚網、濕毛巾封嘴 獲救見消防以為是天使
85歲冼婆婆：如果大家拎個心做好自己，社會肯定冇咁多唔好嘅事
競委會：不排除宏福苑不只一個圍標集團
居民從30樓逃生 近乎逐層扑火警鐘但從未響起：我好想佢響
愛犬不願返家保命 居民睹火舌吞噬單位欲哭無淚
遺屬盼ICU、黃碧嬌等出席聽證會親自辯解：唔好話我哋未審先判
業主質疑「宏業」中標有問題 街坊多次聽聞黃碧嬌收授權票
外牆清潔工人爬上天台後無處可逃 困一晚至翌日獲救