【獨媒報導】政府今日起向宏福苑業主發「收購建議信件」，其中宏志閣要在6月30日前，獲75%業主同意出售業權，否則不會納入長遠安置方案，若6月30日後簽署則會在第二輪揀樓。宏志閣居民潘先生認為政府的做法屬「威脅」、「你唔揀就冇」，強調需要更清晰資訊才決定是否向當局業權：「有威脅囉我覺得⋯⋯佢好似依家講緊你唔揀就冇嘅意思。依家我資料係唔清晰，我係好單方面⋯⋯政府俾嘅資料我哋聽，我哋想問嘅嘢佢又冇答囉。」
稱最大心願舉行業主大會 了解其他住戶意願
宏志閣居民今日繼續上樓執拾，居住在11樓的潘先生，今日上樓執拾物品，他無奈表示「盡執囉，都唔知執得幾多」。
不過，潘先生稱目前最大心願為舉行業主大會：「如果業主大會都冇開嘅 ，我都冇辦法接到大家嘅意願點囉，因為我最後出聲嘅機會都冇，如果最後出聲機會唔俾我嘅，淨係單方面俾information嘅，我覺得唔work 囉呢樣嘢。」
潘先生
表示出售業權與否受街坊左右 質疑合安「代表政府」
潘先生表明，其出售業權與否的最終決定，受到街坊左右，「如果大部份意見都係咁，我都傾向返去住」，遂認為業主大會相當重要。他指若按照政府收購價，根本無法在私人市場覓得類似單位，「你仲可能要自己哽啲資助出嚟」。
合安前日舉行網上簡介會，潘先生不滿登入操作困難，指合安透過電話短訊傳送登入訊息，自己使用平板電腦開會，認為轉換連結過程繁複。至於簡介會內容，潘先生就質疑合安代表政府，而不是代表居民，斥合安就召開業主大會，竟然需要索取法律意見，「好政府一般答法囉全部都係」。
潘先生又質疑，合安聲稱要核對業主法定簽名，「嗰陣時我哋開業主大會又冇咁認真，突然間認真成咁，我又好困惑呢樣嘢」。他表明，最想知道合安是否真正有意維修宏志閣，而3,000萬元的維修費只是對方的目測預計，難以預料展開工程後會否繼續加價，而即使有勘察報告，居民亦未必有能力應付。
孫先生
居民取回雪櫃及洗衣機 對3,000萬維修費感驚訝
另一宏志閣居民孫先生，他同在今日第二次上樓，主要取圓大型電器、重要文件等，「攞得幾多就攞返啦」。他指今次執拾較對上一次「認真」：「上次諗住好快返返嚟，呢次可能唔再返嚟。」
於是，孫先生將家中的雪櫃及洗衣機帶走，但指仍有其他相對次要物品，例如衣服仍未取走，「可以嘅話希望可以再上多次」。他認為兩次上樓時間相隔太久，笑言「我諗住返返去住㗎」。
對於政府提出的方案，孫先生亦希望先舉行業主大會後才作決定，但指聽到合安要求業主支付3,000萬維修費，才可回家居住，對此表示驚訝。他表示，在該前題下傾向選擇「樓換樓」方案，稱「你點都要好多嘢裝修，都要買返啲嘢，我而家啲嘢其實係攞嚟可能係送俾人，冇地方擺」。