【獨媒報導】「就大埔宏福苑火災成立的獨立委員會」今早在中環展城館召開指示會議，會議採預約抽籤制，不設即場登記。有不懂上網的居民未能成功預約進場，認為應設網上直播。另有成功進場的居民指，從元朗洪水橋到場花近兩小時，預約亦有困難，「好難，花盡精力，好似買演唱會飛咁，要搶」，又盼當局辦居民會，「畀我哋表達意見，畀大家居民坐低提出訴求，兩個幾月，冇一個會畀我哋集合。」
記者被圍橙帶、採訪一度被阻
會議開始前，大批記者在門外採訪，新聞官及工作人員拉起橙帶分隔記者區和公眾排隊處。記者需在橙帶內呼叫問題，不少居民不願回應。其後有記者步出橙帶訪問居民，保安人員要求記者返回「採訪區」，有居民在回應期間，被保安手搭肩膀「護送」入場，引來記者鼓譟，保安稱會再溝通，及後未再阻攔。記者數次步出「採訪區」採訪旁聽居民，工作人員兩度將橙帶重新拉起，把記者圍住。
宏福苑退休居民、暫居南區漁映樓的梁先生，於早上10時15分抵達展城館，慨嘆「搵呢度都有排搵，唉真係複雜」。梁先生不懂預約，需朋友協助，「上網我唔識呢啲嘢」，旁聽會議是望「想知道個後續」。
不過他未能成功進入展城館，現場人員著他到銅鑼灣中央圖書館，梁先生明言「唔知點去」，保安其後向記者解釋指梁先生到錯地點。不過梁先生抵達圖書館後未能出示登記證明，再度被拒入場。他認為會議應網上直播，又批評今次安排混亂，指出宏福苑有許多長者不諳網上登記程序，認為安排未有照顧到居民需要，「佢哋高高在上，坐喺寫字樓，要多啲睇吓民間嘅嘢。」
梁先生
是次會議公眾旁聽的轉播區，分別設於展城館及中央圖書館。
另外有3名街坊向記者表示「我哋有登記，不過啲手續未搞清楚，而家冇名額入去」。被問到是否感失望，居民表示「當然有少少」。
有居民望辦居民會
另一名旁聽的宏昌閣居民朱小姐指，現時「有乜進度、有乜賠償、房屋個安排又點，全部我哋都唔知。我哋所有人都擔心」，期望能獲解答。她望政府能安排居民會，「希望佢地 set up 一個會係畀我哋表達意見，畀大家居民坐低提出訴求，兩個幾月，冇一個會畀我哋集合。」
朱小姐現居洪水橋，今天花近兩小時才到場，慨嘆：「都冇辦法，一定要揀呢度，政府官員揀呢度，唔通佢哋會揀洪水橋咩？」她又說登記「好難，花盡精力，好似買演唱會飛咁，要搶」。
朱小姐
暫居酒店的居民鄧婆婆表示，最關注「樓換樓」長遠安置安排，表示「臨老過唔到世冇間屋，真係好慘」，自己不接受原址重建，指有陰影。
鄧婆婆