【獨媒報導】宏福苑大火造成至少168人死亡，逝者包括當年首批遷入的Phyllis 七旬母親。 Phyllis 今日回到宏昌閣收拾母親遺物，包括媽媽親手編織的頸巾，及手縫牛仔背心。她在單位內放下鮮花和電子蠟燭悼念母親，並哽咽指回家時曾呼喚一聲「媽咪我哋返嚟啦」，離開時就說「我哋走喇，一齊走喇。」
在大火發生後，Phyllis 早前連日出席獨立委員會聆訊作供及旁聽，她今日重返宏福苑，上樓執拾母親的遺物。她離開後接受傳媒訪問，指單位已燻黑，但自言表現冷靜，亦相信有些身外物帶不走，回憶最重要：「雖然媽咪唔喺度，但係佢都陪咗我哋咁多年，同埋之後都會喺我哋嘅生命裏面，繼續延續落去。」
圖片由Phyllis 提供
帶走母親手縫背心 彈奏未能帶走的鋼琴
Phyllis 說今日過程大致順利，在單位內「要搵嘅嘢係搵到」，找到媽媽的遺物包括首飾：「佢預啲首飾係要傳比我，佢啲首飾仲喺度係好事嚟，我之後可以繼續用，佢就同我哋一齊。」
母親生前最擅長手作，Phyllis在單位內找到媽媽親手編織的頸巾、手縫的牛仔背心。該件背心由牛仔褲改造，Phyllis本來自己保留了一件，其餘兩件則在宏昌閣的單位內，今天終於能夠取回。她表示雖然背心燻黑有味，但仍要帶走。
不過，Phyllis 表示沒辦法帶走家中的鋼琴，她曾在單位內彈奏片刻，「好奇睇吓佢仲響唔響」，兼且拍照留念。
圖片由Phyllis 提供
憶母女閒話家常 「回憶帶得走」
除此之外，Phyllis也回想關於母親與家的記憶，尤其媽媽的噓寒問暖：「最深刻印象係，返屋企嘅時候，佢會話『返嚟啦？肚唔肚餓呀？整嘢比你食。』」
圖片由Phyllis 提供
「我覺得重要嘅係回憶，其實好多都係身外物拎唔走 ，但係唯有乜嘢帶得走？就係帶走你嘅回憶。」在離開單位前，她放下鮮花和電子蠟燭悼念母親，並哽咽指回家時曾輕呼「媽咪我哋返嚟啦」，離開時就說「我哋走喇，一齊走喇。」
昨曾到場「預演」 今表現冷靜
Phyllis 說昨日曾回到宏福苑逛一圈，覺得「今次返嚟媽咪唔喺度喇」，因而情緒激動。她指今日回來反而較冷靜：「噚日好似已經預演咗、消化咗。雖然媽咪唔喺度，但係佢都陪咗我哋咁多年，同埋之後都會喺我哋嘅生命裏面，繼續延續落去。」
最終她和家人沒有用盡3小時的收拾時間，因為媽媽一直將單位打理整齊，另有很多物品已經燻黑，所以沒有取走。不過，Phyllis說之前已經向社工申請希望再次上樓，指因為現場燻黑，看得不太清楚，「如果有機會希望多點時間，再將屋企看得更仔細」。