（獨媒報導）住宏昌閣24樓、起火時搭升降機逃生保命的居民高以蕾今日將上樓執拾。她早前曾在聽證會作供，表示很後悔沒有拍門叫人走，自責自己做得不夠好。她說，今日會帶同紙鶴回家，希望向罹難鄰居道歉，「希望佢哋喺天堂唔會再有痛苦。」（受訪影片）
高以蕾又表示，最想取回家中相簿、電腦等有紀念價值物品。至於上樓前的心情，她直言緊張，因為害怕見到面目全非的畫面：「行返屋企條路應該最有安全感，但宜家一啲安全感都冇。」被問到擔心見到甚麼，高沒說話，她的姐姐在旁回答說，因屋苑內的公園已被剷去，作為居民最擔心環境不再熟悉：「其實災後我哋心靈已經好脆弱，但剩低嘅精神支柱、一啲安慰到心靈嘅地方，問都冇問過我哋就拆晒⋯⋯返到去，我好驚見到唔同晒嘅畫面，會忍唔住喊。」
她說自己一家是一手住戶，「住咗好耐」：「我哋剩低嘅精神支柱就係風景，我哋好想⋯⋯如果可以嘅話，原址返返去住。」
高以蕾（右）