【獨媒報導】原定於2021年底完工、2023年底啟用的東九文化中心將於今年11月正式啟用。中心設有5個表演場地，包括1,200個座位的劇院、一個536個座位的劇場，以及三個多用途小劇場。康文署今午（11日）安排傳媒導賞，有記者問及延期四年的原因、困難以及是否有超支。康文署助理署長（文化發展）區玉芳先稱受疫情影響，又指中心需確保設備安全，因此「用咗啲時間」：「因為我哋裡面5個設施都有咁多好先進嘅設備，我哋需要安裝、測試、調整，要確保設備安全咁去使用，除咗係技術人員，其他人都應該可以識得用設備，嗰到係用咗啲時間嘅。」至於造價則按過去估算，即近41.8億元。
設5個表演場地 劇院最多可容納1,200人
位於九龍灣的東九文化中心，佔地約2.16公頃，面積超過5.8萬平方米，共5個表演場地，包括一個1,200個座位的劇院、一個536個座位的劇場，以及三個多用途小劇場「形館」、「樂館」和「創館」，分別設160至176個座位，120個座位以及201至353個座位，工程造價約41.8億元。
康文署指，今年11月中至明年2月中的開幕季將有17個節目，共80場演出或活動，中心首個藝術科技長演節目兼開幕節目為《一束光•高錕的記憶》音樂劇，詳情稍後公布。至於中心自去年起舉辦「東九開箱」試場活動，當中20套節目、500場表演吸引逾200名藝術及創科人士參與，共1.3萬人入場。
陳詠雯
外國有「West End」、「百老滙」 康文署署長：香港都想有
東九文化中心今午舉行傳媒導賞，由康樂及文化事務署署長陳詠雯介紹場地設備。今年6月，康文署將東九文化中心定位為長演及藝術科技項目，陳詠雯指，市民到不同地方欣賞文化節目和表演均留意到倫敦有「West End」、紐約有「百老滙」，並指那些場地均會讓劇團將優質節目長期演出，直言：「我哋香港都想有呢啲重點場地。」
陳詠雯續解釋，東九文化中心是新場地，擁有不同表演設施及藝術科技最先進的配置，相信東九文化中心可讓本地藝團或外國藝團發展新長演項目，吸引本地觀眾及遊客。
區玉芳
康文署助理署長（文化發展）區玉芳在導賞後接受傳媒訪問。被問到東九文化中心與尖沙咀文化中心及牛池灣文娛中心的分別。區玉芳表示前者定位文化項目，東九文化中心則會優先定位為長演及藝術科技項目，期望打造成新地標：「我哋望向全港性，同埋都係向海外嘅、國際嘅，所以我哋嚟緊都會有好多國際唔同活動會嚟演出。」區玉芳續指，牛池灣文娛中心地場較細，只可容納數百人，形容與東九文化中心不是同一類場地，相信不會有太大競爭。
延期四年 康文署稱確保設備安全「用咗啲時間」
東九文化中心於2016年1月動工，原定於2021年底完工，惟政府稱因疫情關係，工程進度受到一定影響，需延期至2023年下半年才正式啟用，惟最終延至今年11月才全面開幕。有記者關注延期四年的原因、困難以及是否有超支。
區玉芳就先指工程受疫情影響，重申中心自2023年起已率先開放及進行測試活動，她又指中心需確保設備安全，因此「用咗啲時間」，「中間有啲疫情啦，頭先都講咗啦，我哋2023年已經開始陸陸續續開放，2024已經做緊啲試場活動，只不過因為我哋裡面5個設施都有咁多好先進嘅設備，我哋要需要安裝、測試、調整，要確保設備安全咁去使用，除咗係技術人員，其他人都應該可以識得用設備，嗰到係用咗啲時間嘅。」至於延期有否導致超支，區玉芳回應時指工程費用同樣按過去估算，即近41.8億元。
莊梅岩遭封殺 康文署：可向新聞組查詢
有記者關注本地編劇莊梅岩稱被康文署封殺，問到署方有何回應以及東九文化中心會否歡迎莊梅岩的劇作上演。區玉芳回應指今日活動聚焦中心設備，如有其他問題可向新聞組查詢，「不如咁啦，今日我哋主要係講東九開幕嘅場地設施，如果有其他一啲問題可以稍後，不如等新聞組嗰邊再同你處理啦好無？」