要理解報業問題，首先知唔知做紙媒點賺錢？
講真只講客戶賣報紙一份嘅收益，圍起人工印刷送貨，基本上都係印一份蝕一份。
報紙賺錢嘅，叫廣告。
點解而家好似各份報紙愈黎愈薄，就係因為少廣告，報紙商寧願「出少啲紙」，減低成本。點解梁振英每次都抽稱《蘋果》嘅廣告，就係想直接斷人命脈。
當報紙唔係靠內容賺錢時，傳媒行業會發生咩問題？
1. 炒舊請新人：資深記者貴在人脈經驗，好新聞係要「養」嘅，但係既然內容都唔重要（最多炒稿），資深記者人工頂兩／三個新記者，新記者可能仲易操控，何樂而不為？
2. 廣告客戶影響編採：當然理念上唔應該有任何野影響編採自主，但假設你成間報紙都係誠哥養起，你會唔會容易做到不利誠哥嘅新聞？
仲有，咁而家啲傳媒大亨，點解蝕住錢都要繼續做？
媒體可能唔賺錢，但媒體背後帶來權力影響並不少。呢個亦都係商人辦報嘅壞處，當新聞只剩其背後附帶嘅價值，咁所有有志於報導真相的新聞工作者最後都只能有志難伸。
《蘋果》並唔係完美，但佢係一間仍然盡力堅持自由公義核心信念的報紙，我諗好多香港人係2019年學到，消費都可以係一種表態。當我地用消費聚集到信念一致的人，影響力亦都會更大，等如我地亦都要支持喺《蘋果》或你支持的媒體度落廣告的公司（Which is counter with 689）
香港人，唔好淨係買一日報紙，真金白銀，持續地表態，好唔好？