南大嶼山教育關注小組發起一人一信運動, 呼籲大家去信孫明揚, 曾蔭權和立法會教育事務委員會, 支持南大嶼山孩子原區就學的訴求, 重開南約區中學. 請大家放下政府誤導我們的邏輯, 即 "爭取重開南約區中學=反對正生". 之前幾篇文章都解釋了南大嶼山教育的情況, 以及政府的誤導信息. 最重要的一點是, 正生有其他選址, 無論他們獨愛南約區中學的原因是甚麼, 這個校舍是南大嶼山唯一的標準校舍, 是孩子們唯一希望. 要締結雙赢, 我們想不到比 '重開南約給南大嶼學子, 改址重置正生學子' 更好的方法.
我們不可以輕易讓城市發展規律扼殺掉鄉郊的存在價值, 也不可以輕易用單一的數字標準處理位於人口較少的鄉郊學校. 一所充份運用南大嶼山的自然和文化生態作為教育場所, 以及照顧不同族裔的雙語社區學校, 是維持鄉郊社區活力的重要設施.
------------------------------------------------------------------------------------------------------------------
下面是 "大嶼山家長有話要說系列" 的第三篇:
大家好, 我叫Carole.
做為一個媽媽,亦都係住係梅窩17年嘅居民. 我今日想係哩到, 同大家分享吓,我啲仔女返學情況.
梅窩南約中學被迫停辦. 我係無得選擇嘅情況下,唯有送我嗰女兒去香港讀書. 每日, 她都要係五點半起身, 為咗返學做準備. 出門嗰時, 天都未光!! 放學呢, 急急腳咁, 趕去碼頭, 可以坐到4:30分嘅慢船,返到屋企都快就來6:00了. 亦即係話, 我嗰女係外邊嘰時間係12個鐘!!! 功課未做,書亦都未溫. 都已經筋疲力盡啦. 有時真係晚飯都唔多想吃啦. 就淨係想快啲休息睡覺. 將溫書嘅時間,放係搭船嗰陣時做. 如果, 學校有課外活動, 返到屋企, 冇夜晚九點, 都咪使旨意見到嗰女啦.
我擔心的事: 放學之後, 同埋返到屋企, 嗰3至4嗰鍾時間,是一段真空時段. 路上遇到啲特發情況,她點處理呢? 又或者,會受到啲什麼引誘,大家都冇辦法預知得到. 做媽媽嘅我,就好擔心啦. 唔知做家長的你,又點呢?
我心痛的事: 一日十幾嗰鐘係出邊,重慘過返工. 遇到番風落雨,就更慘. 大袋細袋,帶住啲校服去船到換. 帶多左嘢返學校,已經好”特別”嘅啦, 重要俾老師問長問短, 怕係怕拿啲唔好嘅嘢, 返來學校.
另外,就是錢啦: 交通費,大家都知道香港地,出出入入,有數得計. 一程船都要十幾廿元. 一個月落來, 單係我嗰女的車船費,都去咗$1700. 今年9月, 我嗰細仔都要返中一啦,佢間中學係九龍,都要成$1700嘅交通費.
長時間在外,做媽媽的不單止擔心仔女人身嘅安全. 重有嘅就是,都冇精神體力學習溫書了. 如果,梅窩有中學, 我嘅仔女將3,4嗰鐘的交通時間,用係讀書上,我深信,對他們的身心靈,都有很好的成長.
梅窩本身係有間中學的, 我只係想這間中學繼續舉辦,為梅窩的居民服務.