【獨媒報導】港隊早前在世界盃外圍賽出局，主教練安達臣先後多次表示，港超聯水平不高、節奏很慢，間接拖累港隊水平，必須加強聯賽競爭性。作為持份者之一，深水埗主教練陳浩然認為，現時年輕球員技術不俗，但演繹不同陣式、位置及踢法的意識卻不足，希望足總要做好青訓：「青訓底層嗰度上嚟，去到職業層面你無得教！無理由叫個職業教練，教個職業球員點樣踢波㗎嘛？不過有時都會出現呢個情況，宜家職業層面。」
港超聯週六上演下游大戰，深水埗作客3：1擊敗香港U23，記者在賽後問到陳浩然對安達臣的看法。陳浩然就承認，歷來接觸的年輕球員都不太成熟：「坦白講⋯⋯好多年青球員，我接觸過咁多球隊⋯⋯係真係未係一個好成熟嘅球員。」他表示，現時不少職業的球員技術都很好，但意識則不足。
那麼問題出在哪裡？陳浩然認為球員在青訓的時候，沒被教導演繹不同陣式、位置及踢法：「好多球員改變唔到，你去嗰個位，你踢到收山都係嗰個位。」不過，陳浩然強調，希望能教導球員能出任更多位置：「我唔係想做呢樣嘢，我都希望教到球員可以多啲位置，例如鄧子均今日踢左閘，我都俾佢一啲好簡單嘅指示等佢做。」
現年51歲陳浩然，他擁有亞洲足協A級教練牌照，歷來曾執教大埔、南華、飛馬及元朗，去年11月加盟深水埗，接替鄧冠研出任該之區隊的主教練。
陳浩然：無理由叫個職業教練，教個職業球員點樣踢波㗎嘛
陳浩然再三強調，足總必須先做好青訓：「青訓底層嗰度上嚟，去到職業層面你無得教！無理由叫個職業教練，教個職業球員點樣踢波㗎嘛？不過有時都會出現呢個情況，宜家職業層面。」他表示，當務之急是做好青訓：「你擺啲資源落青訓⋯⋯我覺得其實你將啲錢擺晒落香港隊教練唔係唔得，不過你都要擺返一嚿錢落去青訓。」
除了投放資源到青訓，陳浩然亦希望，足總能聘請更好的青訓教練：「外國咁多青訓教練，好嘅，搵佢嚟做好所有青訓。或者培訓個青訓教練囉，我覺得，青訓教練係要學多啲。宜家嘅青訓教練諗啲嘢太複雜啦，諗啲嘢！我覺得咁樣嘅話，水平就會好啲，唔係職業再教佢哋囉。」
記者：麥馬高、周頌謙