頭條日報今天頭條講到 youtube 一條片（現放在 easychannel），展示一對未成年男在港鐵大堂親熱與愛撫乳房。

在書面上及意見上表達不雅物品如何如何教壞下一代，不如在視覺上興奮一番，一邊睇一邊罵。其實邊睇邊罵都不是什麼問題，難道未看就開了罵嗎？重點是罵的內容係乜野。（因為 youtube 刪文刪得好快，不能提供 youtube 的 link。我可以 upload 番上去，不過我覺得好乜謂，反正後果都係刪）

網民鬧的不外乎係兩樣，

１）「道德淪亡」這些一般寫得好簡單，我並唔理解佢既尺度，但不竟這個都係一個態度，應予尊重。
２）「佢地似為自己表演」係一種好犬儒既講法，講者只不過係想自己「想睇」的一面辯護，一面睇戲無罪，一面恥笑有理。
３）「點解唔係爆房」係眼不見為乾淨既講法。青少年爆房未婚產子對社會造成既危害，在任何角度都遠遠大大親熱與愛撫。

但最毒都唔係呢三個網民評論，最毒係報紙佬既寫法係拋法律。好像這些法律是有大道理的一樣拋出來。

• 「與未成年少女發生猥褻行為」，這裡要搞清楚，條文內容並不是「猥褻行為」，而是「猥褻侵犯」，縱然該少女在法律不能給予同意權，但把愛撫說成猥褻侵犯，很明顯在指鹿為馬。
• 「非禮罪」。強姦罪只限男性強姦女性，可以以強迫成孕恐懼只限女性為由合理化，因為只有女性才有強迫成孕恐懼。可是，非禮罪仍然採用只有少男可以非禮少女的態度，那明顯是為入罪而入罪。
• 「公眾地方行為不檢」或「港鐵附例」。這個才是戲肉。係港鐵，根本講粗口都係犯罪，所以用港鐵附例治罪，罰五千大兩，根本同講粗口差唔多。所謂「公眾地方行為不檢」，基本上係玩淫審，不過戰場去左公眾地方。因為親熱與愛撫行為係好即興，總無可能落「過濾器」，因此，係經典的「乾淨」vs「壓抑」的對決。

要說明，我可不是沒有道德底線，我可不會接受地鐵強姦的，可是，在公眾地方親熱與愛撫，除了怕小孩子模仿而難為情外，對家庭對個人有什麼實際困擾呢？

法律係相當嚇得下人既武器。警察指引與日常運作就算是違憲了，申訴也可以是險阻重重的。相反，一般人犯了罪就好麻煩，你真的玩得起嗎？

今日，我們看見真正的道德塔利班是什麼，那不是指那些自以為「世界道德淪亡」的人（他們只不過對事物有不同看法而已），而是用法律，媒體與性壓抑上下其手屈機既人。