今日「齊昕」的新聞令我震撼、肉緊、痛心。
有救護車奉召抵達禮賓府
因為我(社工角度的我)覺得，有市民自行報案，而呢個人有自殺自毀傾向。
如果報左警叫左白車，冇可能就咁息事寧人。
因為，以往有太多太多client因為咁而覺得向社會求助都冇用。
反過來講，邊有施虐者會自認「係呀，係我打我個女架呀Sir，拉我啦」？
TVB劇集都唔會啦。
就算當事人係有精神病記錄，都唔可以因為咁而唔理。
反而，報警行為可以理解為「佢爆發了」、「佢求助了」，都需要處理跟進。
無論件事係真係假，可能要捉佢入院保障佢個人安全先，再調查。
最最最起碼最悲微的處理，驗傷。
否則，講幾多「反家暴」、「零容忍」都係廢，擺幾多資源落去都係廢。
試諗下，呢次事件對社會宣揚緊咩價值觀？
做人唔可以咁狗：
陳婉嫻：完全明白梁振英作為父親的困難
如果係一個公屋女大學生報警，家庭涉嫌家暴，佢做地盤o既老豆走出黎話阿女有病，叫大家俾d空間佢，陳婉嫻會唔會咁講？
個社會點可以偏幫涉嫌施虐者？
而我(自我部份的我)就覺得：收皮啦特首！