體育

雲尼亞里的被炒原因

廣告
雲尼亞里的被炒原因

廣告

題為編輯所擬

1. 如果李斯特城喺英冠、英甲,高層要挽留雲尼亞里嘅壓力一定無留喺英超大。但係,一旦留唔住英超就可能影響一家球會一個世紀(你地睇下黑池),呢份歷史責任唔係每個球會嘅管理者都孭得起。正所謂「當斷不斷,反受其禍」嘛。鬧兵變就只能炒教頭,就算雲尼亞里不該炒,都無法子唔炒。

2. 泰國佬其實唔係大家口中指責嘅欠缺耐性之輩,試想想兩年前皮亞臣帶到落榜尾,去到季中高層都唔炒佢,後來都只係因為佢嗰仔出事先炒,試問領導層有咩可能係欠缺耐性呢?如果講人情味,李斯特城squad裏面咁多英冠級數嘅老臣子仲留喺度,泰國佬都唔係好似大家玩fm咁賣得就賣,唔通咁都仲叫冇人情味咩?上次佢地做醜人炒皮亞臣,做得啱;只希望佢地今次做第二次醜人,唔會錯。

3. 雲尼亞里的確係齣悲劇,因為佢盡其所能卻得唔到合情合理嘅回報。但係,李斯特城其實有花好多錢買人,而錢花唔到喺正確嘅地方上,佢本人的確有責任。而且,喺對待摩根、侯夫呢啲舊功臣嘅問題上,佢寧願寵信舊臣、維持更衣室和諧,以人事先於競爭力,就換來今日嘅成績代價。當佢意識到舊臣子唔可以一忍再忍嘅時候,又同佢地鬧翻,好明顯佢都要為當初嘅仁慈付出代價。當然,呢啲代價唔應該係被炒喇。

4. 李斯特城本來就係中游分子,但係冠軍榮譽對於佢地嚟講比起得過且過壓力更大。今季嘅悲劇,其實係佢地不能承受呢種壓力嘅反應。

5. 做球迷嘅難免有情緒,但唔可能情感掩蓋一切,然後動輒話人係勝利球迷,呢種道德高地太易企喇。雲尼亞里同李斯特城呢齣悲劇,令我地明白到榮耀嘅代價(至於榮耀比較多嗰啲,代價一定更多,唔係唔報時辰未到咁解姐)。

廣告