我睇完林忌一篇有關司法覆核的文章，加上本站內一些有關司法覆核的討論，奈不住要講幾句。我唔係要反對或支持誰，而係要弄清一些很根本的原則。另外有關 Wednesbury 的部分，我晚一點才附加有關原則。
還有，為何這一類文章一個 tag 都唔適合？
－－－－－－－－－－－－－－－－－－－－－－－－－－－－－－－－－－
（以下是回應多位原文的回覆）
我想表示與上述意見都完全不同的睇法。這個睇法基本上也出現係 inmedia 有關 JR 的爭論上（本人係麥當勞）。
第一，JR 的時限係法律問題而唔係道德問題。警方捉殺人犯，七年都可以追，唔可以反問點解，但係 JR 好唔同，三個月就玩完，要延期就要有好強的理由。法官好明白點解要有咁嚴厲的時限，但唔該報紙佬唔識唔好亂寫，這個唔係道德時限，三個月真係好快就過左，唔通連三個月都要急？曾特首為了選戰，一拖就拖左六個月，又唔急，卻為左個幾十日來急？
第二，JR 與所有司法程序一樣，被濫用係會被拒絕的。當年盧少蘭玩 JR，有個領匯發行商的高層的老婆玩野踩場，法官當場收佢皮。法官係知邊個係認真，邊個係濫用，唔好當濫用唔會影響 JR 的申請，更唔好係司法以外製造另一套「濫用」的標準。
第三，JR 係唔應該「最後一日」才提出的，但無論係領匯，還是皇后，距離「最後一日」還有一大段（以三個月為整個過程）。我們要考慮人地唔多錢，幫佢地的人唔係唔收費，而且除了打官司又要兼顧社會運動，需要幾十日時間（準備官司）好自然的事。把「最後一日」掛在口中的人應自問，佢地打過官司未？
－－－－－－－－－－－－－－－－－－－－－－－－－－－－－－－－－－
（以下部分留及 Wednesbury）