（獨媒報導）大埔宏福苑居民連續分批上樓執拾，居住在宏新閣的張太今日下午上樓，與居住了逾30年的愛屋道別，並在單位睡房內尋回一對玉龜。該對玉龜原來是張太十多年前到中國內地旅行時購買，她笑言「回『龜』呀真係！幾乎唔記得咗。」
年屆七旬的張太，她已居住在宏新閣12樓逾30年，今日是自去年11月底大火後，再次回到住所。她在家中尋到一些瓷器、玉器，並出乎意料地在睡房的櫃內拾回一對玉龜：「我估唔到執翻兩隻玉龜呀⋯⋯可能係緣份啦。」
重回昔日的家，張太眼見單位內一切化為灰燼，心情既複雜又忐忑，在訪問其間更一度哽咽落淚：「即係⋯⋯見到自己住咁耐嘅地方化為烏有，非常之難過。」
憂心部份鄰居不見蹤影 上樓前已有心理準備
她指對宏福苑充滿感情，認為屋苑的環境「冇得頂」，而且與鄰里的關係和睦，對今日能重遇往日鄰居感到喜悅，但仍有部分鄰居不見蹤影，自言已不敢再想像：「好開心見番啲朋友，個個都OKOK。但仲係有兩三個好擔心，都仲未見到佢哋，我都唔敢諗。」
然而，張太坦言上樓前已有心理準備，單位內的物品已全數燒毁，但認為仍要和丈夫上樓與愛屋道別：「我知道間屋完全冇晒嘢，咩都冇晒啦，全部燒晒⋯⋯返去望一望，個心息一息。」她在上樓時亦與愛屋道別，「叫佢安息」。
火災五個月後心情尚未平復 情緒困擾每晚失眠
記者關注在執拾後何去何從，包括會否接受政府的「特設銷售計劃」。張太就指仍思索當中，目前居住在中轉屋，其他計劃留待平復心情後再決定：「未敢話點樣，宜家我嘅心情都仲未平伏，仲未接受到。」
火災發生至今近五個月，張太指現時情緒仍受困擾，「宜家睇到個心好酸，晚晚都瞓唔到」。不過，她自言為人樂觀，懂得開解自己：「我自己都識開解自己嘅，OK嘅都尚算，個人樂觀啲囉！自己又接受命運啦，可能係我嘅人生嘅轉捩點，睇吓到時睇天囉。」