【獨媒報導】今日是宏福苑居民第二輪上樓的最後一日，對於宏新閣譚先生早前稱，災後銀行戶口錢多到「生活唔擔憂」，宏道閣居民盧生表明不敢苟同：「你諗吓有啲人喺上面犧牲咗，洗得晒咩呢？好似我哋一家人啲嘢可能洗唔晒，佢大把錢講風涼說話⋯⋯喺有傷亡嗰啲（居民）傷口灑鹽巴。」
盧氏一家三口居住宏道閣，他們今日再次上樓執拾。盧太特別向記者強調，「宏福苑居民唔係貪心」：「冇人想搵間屋去換取呢啲捐助，我希望嗰啲人可以積下口德，唔好再話宏福苑居民貪心，你冇咗間屋，冇咗個家，或者屋企人死亡嘅，係咪想用呢啲嚟交換？唔緊要㗎，我諗好多宏福苑居民都想同佢交換。」
盧太
妻嘆「焗住」出售業權 夫對斷捨離感「好慘」
對於是否出售業權，盧太認為是「焗住冇得選擇」：「如果唔係我哋𢲡住啲錢，點樣出去買私樓？我一把年紀唔通仲要去孭住層樓，我冇嘢做啦，咁點呢？」
盧生亦形容自己如「流浪漢」，指現時暫居住約100多呎的中轉屋，稱原本的單位雖然不算大，但起碼是自己的家：「40幾年有感情，依家同我講斷捨離，真係好慘，依家燒咗呢個家，我喊咗無數次。」他自言，在大火後「一個大男人」，在街頭攬住旁人痛哭半小時。
指應以公帑收購業權 「無奈嘆奈何」
對於宏新閣譚先生早前稱，災後銀行戶口錢多到「生活唔擔憂」，宏道閣居民盧生表明不敢苟同：「你諗吓有啲人喺上面犧牲咗，洗得晒咩呢？好似我哋一家人啲嘢可能洗唔晒，佢大把錢講風涼說話⋯⋯喺有傷亡嗰啲（居民）傷口灑鹽巴。」
此外，盧生指政府應該動用公帑收購業權，而不是使用市民的捐款：「人哋政府好多時災民嘅錢俾返災民，點解災民嘅錢唔俾返我哋？」
說到這裡，盧生不禁以「無奈嘆奈何」形容當下心情：「俾咩我哋都要接受到啲乜嘢，就算唔俾你衰啲講句都要接受，大家加油啦。」他認為，宏福苑或已成為傷心地方，未必每名居民均願意返回居住，但認為當局應先聆聽所有居民的訴求。
盧小姐
女兒嘆只能跟政府計劃走 對原址重建感到渺茫
女兒盧小姐則表示，政府安置方案不似預期，「無奈我哋都要跟着佢哋嘅計劃走」。她指今日或許是最後一次回家，假若有機會重遇街坊的話，希望能說句再見：「真係好無奈，由始至終無奈嘅，但係都冇辦法，好好同屋企講個再見，之後再go on 。」
然而，盧小姐坦言對原址重建感到渺茫，「雖然大家都好想，我都好想，但係呢件事冇乜可能發生。由始至終大家都知道，政府唔會撥咁多錢，再重建返一個咁多年前嘅屋苑出嚟，就算係有都唔會咁大。」她表示，明白街坊希望原址重建的意願：「無可奈何唔會，要向現實低頭，我哋唔係什麼大財團，一個小市民我哋唯有跟住個flow去走。」
雷先生
有居民稱決定出售業權 惟仍應舉行業主大會
此外，居住在宏道閣26樓雷先生，他家中受損情況不嚴重。不過，今日氣溫高達30度，雷先生就笑言「已經有啲滴汗」，但不擔心會中暑，指工作人員安排很好，預計15分鐘便可上樓，回家後打算拾回餘下的物件及心愛玩具。
對於長遠居住安排，雷先生稱已經決定出售業權，認為大埔區內選擇尚算多，已計劃選擇頌雅路西的居屋單位，「住慣咗原區呢邊，生活習慣、朋友都係返呢區，所以會選返呢一邊」。不過，雷先生認同需要舉行業主大會，「相信係for一啲之前嗰啲追討，同埋可能關於裝修嗰啲有啲問題上嘅嘢，又係要知道返個真相」。