【獨媒報導】宏志閣居民繼續上樓，李先生指一家三口「乘返三嘅話，應該都（住咗）六、七年」，希望繼續住宏志閣。他憶述當初在全港九新界看了過百個樓盤：「睇完都係覺得呢度最舒服。我哋都唔介意佢 40幾年樓，我要照買。」
由政府委位的合安管理公司前日（13日）入稟土地審裁處，申請押後開業主大會。李先生要求開業主大會「大家真係圍埋」商討前路：「業主大會公開透明，喺個場裏面點埋票，話俾全世界人聽，有幾多個人真係咁樣諗。唔係經啲咩一戶一社工，解說完去收集（意見）。」
不介意樓齡 鍾情宏福苑
居於17樓的李先生表示一家三口「搬嚟兩、三年咁上下，如果要乘返三嘅話，應該都有六、七年。」
他憶述當初與老婆四處睇樓：「全港九新界睇咗成百幾間單位，睇完都係覺得呢度最舒服。我哋都唔介意佢 40幾年樓，我要照買。」他打算回宏志閣居住，「如你所見冇燒㗎嘛」，因此今次上樓只會取回日用品和電器。
李先生又表明暫時不會出售業權：「學司長話齋，佢都係話要個人選擇 ，其他人要唔要賣同我冇乜太大關係。我自己選擇唔賣咪唔賣。」
促開大會 「話俾全世界人聽，幾多人真係咁諗」
李先生希望召開業主大會，商討前路：「想大家真係圍埋，知道個答案係乜，而唔係經啲咩一戶一社工，解說完去收集。全部都係你政府公布，其實我哋唔知。業主大會就公開透明，喺個場裏面點埋票，話俾全世界人聽，有幾多個人真係咁樣諗。」
至於是否擔心3,000萬復修費由業主承擔，李先生持觀望態度，「依家咁講啫 ，但係都未必係真，日日講嘢都唔同」。