何小姐
【獨媒報導】大埔宏福苑五級火獨立委員會今日（17日）舉行最後一日聽證會，由委員會代表資深大律師杜淦堃作結案陳詞。到場旁聽的宏盛閣居民何小姐認為「真相仍未搵到」，亦從沒期望聽證會可做到甚麼，只是「想對168個死者有個交代」：「始終佢係要同佢哋交代，但至今8個月啦，無任何人出嚟交代任何一樣嘢，亦都無同死難者家屬say sorry 又好，慰問又好，係無做過。我哋唔係好知點解而家香港政府會係做到咁。」
在散會後何小姐接受記者訪問，她坦言對是否有官員問責下台感悲觀，指政府明年將要換屆：「你會想佢點呢？就算落台會有懲罰咩？」她亦不滿代表政府的資深大律師孫靖乾昨日在結案陳詞時「講到成個政府無問題」：「點解會無問題呢？唔係老屈你㗎嘛，點解可以講到自己無問題？」她強調街坊由大維修前已一直反映問題，但從沒來沒有一個政府部門理會，「一路將個波踢，踢到而家成個聽證會完，要等9月報告出嚟」。
對於聽證會上揭示民建聯區議員黃碧嬌收取大量授權票，何小姐指居民一早知曉對方作為，並不詫異：「不過佢自己講大話，佢自己憑良心做嘢囉，我哋都無辦法控制唔到，佢要講大話，但又俾杜大狀搵到出嚟」。
何小姐連日均有到場旁聽（資料圖片）
批政府只關注收業權 迴避與居民對話
何小姐批評政府近日只關注收取業權，很多市民或以為「香港政府對我哋好好，俾咗好多地方你揀」，強調「其實唔係嗰樣嘢」。她反問「點解火災要收業權」，認為政府對部份望海單位虎視眈眈，「而家無可能拎住二、三百萬買返同樣單位」。她指政府官員應面對面與居民交代：「佢哋而家全部係迴避，得閒就出嚟講兩句收你業權。」她亦再三指政府沒有安置好居民：「你成日都話要居民安居樂業，睇吓我哋而家搞成點！」
合安將於周日（19日）分四區召開業主大會，何小姐認為對方旨在避免業主聚集，「唔可能咁樣開會」，又指其中一個場地大埔社區中心十分細小：「其實全香港一定有會場容納到千幾人，不過而家係無做到呢樣嘢，合安亦唔係根據作為管理人做要做嘅嘢。」
Dorz
Dorz：政府應集體道歉
原與嫲嫲同住於宏新閣的居民Dorz中午時表示「背後真相可能係會比而家嘅所謂真相更加嚴重 」。他表示作為居民只希望能得到合理解釋，「而唔係得過且過、馬虎了事，同埋應該要負責嘅人去承受返佢自己嘅責任、做錯過嘅責任」。
他又指委員會資深大律師杜淦堃的結案陳詞已非常完整，只是不知道政府會否有跟進工作，以及調查從未出席聽證會的涉事人士，即使不出庭亦需作出書面證供。不過他坦言信心不大：「其實day 1 好多嘢出咗嚟都無所謂跟進？」他又指聽證會已來到尾聲，「個道歉去咗邊度呢？感覺好似要等個聽證會有結果，先至可能有個人行出嚟道歉？」
對政府指被騙感無奈
對於昨日政府一方圖撇清關係，Dorz坦言感到無奈，「唔可以一個屈尾十話自己唔關事」，他認為是整個政府欠缺溝通所致，已反映決策有漏洞、制度有問題，強調「應該真係要全部集體出嚟道個歉」：「而唔係話自己唔關事 ，好似將所有嘢撇得乾乾淨淨，呢個係接受唔到。」政府在會上亦表示多次被騙，Dorz引述杜淦堃的陳詞指，部門之間協作「講個信字」，卻從來沒有「fact check」（事實查核）：「做呢啲咁認真嘅嘢，fact check 係好重要，你唔會話俾人呃咗就算㗎嘛。」
宏福苑火災獨立委員會 聽證會｜第三十日
杜淦堃：宏福居民真金白銀買專業 換來徹底辜負
居民稱聽證會仍未找出真相、政府仍未道歉
宏福苑火災獨立委員會 聽證會｜第二十九日
政府澄清非大火始作俑者 承建商及專業人士須負「首要責任」
居民點名多個部門失責 指「多重監管失靈」釀禍
政府總結屢提被騙 居民：家園無燒惟自比受害者
藍白易燃帆布管不管？陸啟康驚覺府上亦有「原來好危險」
警方接線生「耍走」求助 婆婆終命喪屋內 政府稱個別行為不代表系統失敗
吳躍疑收15萬「獎金」做橡皮圖章 政府斥無監督任何火警風險
政府提五「系統性弱點」 承認抽樣難發現串通隱瞞