【獨媒報導】宏昌閣及宏仁閣部分樓層居民上樓執拾，居住在宏仁閣、前法團管委會委員江祥發今早亦上樓執拾，但指僅得3小時執拾並不足夠，提早離開因為沒有心機，「斷捨離都要思考吓」。他希望當局不應限制居民只有三小時執拾：「其實好大壓力，唔係考試呀嘛，返屋企都3個鐘頭。你限住我，我都唔知執咩好。入去又唔了解個情況，間屋又亂晒。」
江祥發在完成執拾後被傳媒包圍訪問，稱單位情況不理想，雖然單位沒有燻黑，但鄰居單位「燒通咗」，令自己單位內的電視櫃亦塌下來。
指單位內黑暗 提早離開因沒有心機
在執拾過程中，江祥發在單位內取回重要財物、證書及部份衣服，包括自己、兒子的大學及碩士畢業證書，稱單位內十分黑暗，要靠電筒照明：「揸住個電筒又摷唔到嘢，好似喺度搜索，慢慢執。」
不過，江祥發指僅得3小時執拾並不足夠，提早離開因為沒有心機，「斷捨離都要思考吓」：「我哋都執咗十幾袋，再執咪廿幾袋。」他感激民安隊及前線警員協助搬運。
僅完成執拾單位一成物品 稱「要加快斷捨離」
記者追問需要多少時間才能完成執拾，江祥發反問「點解要限時間」：「可唔可以有個好啲嘅處理？俾時間我哋pack好晒，睇吓點樣可以安排運返落嚟。」他重申時間多少因人而異，指由於單位內沒有燈光照明，加上較焗，「你執多兩個鐘都摜低」：「老人家一定頂唔順，我執完都暈暈地。」
江祥發表示，其單位只執了一成物品，苦笑稱「要加快斷捨離」，明言必定再上樓執拾。他希望，政府可以考慮加裝LED燈予居民照明執拾。他表示難以形容上樓後的心情，「唔開心一定㗎啦」。
促舉行業主大會 交代安置安排
在火災後，兒子飼養的狗狗被救出放進氧氣箱，惟因吸入過量濃煙及肺炎，已在當晚死亡，江祥發指兒子看到狗糧及食物兜十分傷心，已取回狗狗的物件作紀念。
江祥發形容，宏福苑大火對香港人來說是慘劇：「個個都話唔關佢事，關我哋事。好無奈，要做嘅嘢都做晒。」記者追問政府是否要承擔責任，江祥發就稱「我唔comment 呢啲」 。他期望當局能盡快安頓居民，「你叫人買樓，但係咩資料都冇」：「搞返個業主大會，我哋好卑微啫，唔係想搞事，想雙向溝通。」
促維修部份電梯作載貨
此外，江祥發希望當局不應限制居民只有三小時執拾：「其實好大壓力，唔係考試呀嘛，返屋企都3個鐘頭。你限住我，我都唔知執咩好。入去又唔了解個情況，間屋又亂晒。」他又提到，不理解單位內的廚房窗、走廊窗為何被拆走。
除此之外，江祥發關注，政府為何不維修大廈電梯，即使未能維修所有電梯，亦可以維修其中一部，讓居民乘坐電梯上樓執拾。他表示假若涉及安全問題，電梯可以只用作載貨，「點解個個都要行到頭暈」。