兩個月前睇到載空國際嘅貼文，提到香港站C出入口嘅辨識度問題。站長睇完之後實地視察，咁啱響呢一個位遇到有攞住行李嘅遊客，問點樣搭機鐵，於是早前分別去信鐵路公司以及運輸署步行城市策劃組，建議增設或改善標示。鐵路公司於4月下旬於該出入口路面水平範圍增設「不能通往機場快綫」告示；至於運輸署則計劃於其「行人導向標示」上加註「東涌綫」以茲識別。
°/\\/□＊搵路是一件驚慌又痛苦的事〃＊.. .
香港站C入口位於德輔道中與德忌利士街交界，與中環站A及B出入口相鄰，對面行人路更有「中環站C出入口」。乘客經香港站C出入口進入車站後，只能入閘並通往連接香港站及中環站嘅「中環行人隧道」由於香港站採用獨立的出口編號系統，而鐵路公司編配車站出入口大多以最主要地標（國際金融中心二期）為起點順時針編號，因此連接「中環行人隧道」、位置較偏遠嘅「德忌利士街」被編為香港站C出口。至於機場快綫於香港站另設市區預辦登機大堂及獨立閘區，乘客若乘搭東涌綫到香港站，必須先出閘先可以轉乘機場快綫。
一般乘客理解嘅「香港站」，主體位於中區填海計劃（第一期）用地，與國際金融中心及四季酒店相連；至於遊客從路線圖上直觀理解嘅「香港站」，則為機場快綫市區總站。因此，當乘客於德輔道中見到「香港站」C出入口時，好容易產生以下誤解：
1. 香港站「C出入口」係中環站一部分，可以唔駛入閘就能夠通往中環站其他出口；
2. 「香港站」C出入口可以直達機場快綫市區預辦登機大堂或者月台。
〞×∥能趕搭機鐵的時間，只剩下那麼少]°× []
想去香港站搭機場快綫，但行到去香港站嘅C出入口先發現呢度唔能夠直接通往機場快綫。站外豎立由運輸署「香港好·易行」嘅行人導向系統指示牌，指示牌最頂寫住「香港站」，視線水平則印有附近嘅地圖，但整個指示牌並無任何關於機場快綫嘅指引。如果你係趕飛機而又急住要去機場嘅乘客，真係頭都大埋。
為此，我哋早前致函鐵路公司以及運輸署，希望透過增設或改善標識，讓乘客得知香港站C出入口「僅前往東涌綫」以及「不能乘搭機場快綫」嘅訊息，並提供前往機場快綫大堂嘅指示。同時希望鐵路公司為相關乘客提供協助，甚至建議仿效美孚站增設「付費通道使用核准機」，長遠應考慮將「香港站C出入口」更改為其他編號以提高出入口辨識度。
﹏\＊☆。香港站\C出入口，多了一些指示．．．但仍可再加強_▂+°
鐵路公司喺4月底於香港站C出入口嘅服務時間指示牌下方，張貼一張「此出入口不能通往機場快綫」嘅通告；喺5月則於每一部出入閘機貼上「機場快綫車票或二維碼不適用」嘅標識，避免乘客誤用機場快綫專用嘅車票而無法出入閘。鐵路公司亦補充，機場快綫設有「免費港鐵接駁服務」，倘若乘客使用八達通於香港站C出入口入閘，當乘搭機場快綫仍只合共收取由香港站前往機場站嘅車資，而唔會被額外收費；使用其他票種嘅乘客，職員都會為佢哋提供協助，唔需要再抬返行李上路面再過去機場快綫大堂。
而運輸署步行城市策劃組則回覆指：會考慮於香港站C出入口外「行人導向標示」上嘅地點名稱「香港站」旁加註「東涌綫」，以加強向行人提示主要相連嘅鐵路綫。若上述改善措施可行及情況許可下，相關工程預計於今年內完成。至於地圖上面加入港鐵機場快綫標誌嘅建議，則會於將來檢視區內相關地圖資訊更新時整體一併考慮。
樂見鐵路公司及運輸署回應與香港站C出入口相關嘅情況並採取相應行動，減少乘客蕩失路嘅機會。期望可以透過改善及加強標識，除咗方便乘客以及遊客搵到香港站機場快綫大堂外，同時減省香港站職員嘅工作量（特別係C出入口大堂客務中心畀人問點搭機鐵）。至於長遠而言，仍學似各位網友建議，鐵路公司不如考慮於C出入口上方嘅車站站名旁加上「東涌綫」標識、於德忌利士街行人路水平貼前往機場快綫大堂嘅地圖，甚至再研究下更改呢個出入口嘅編號。
我哋會繼續關注香港站C出入口指示嘅改善情況，並期待鐵路公司同運輸署可以推出更多有效嘅措施，為乘客提供更清晰、準確嘅導向資訊。
（本網歡迎各界投稿，文章內容為作者個人意見，並不代表本網立場。）