【獨媒報導】資深傳媒人陳淑薇去年獲頒授金紫荊星章，當局讚揚其多年來製作範圍廣泛的高質素新聞資訊節目，獲社會認同和讚揚。陳淑薇在近日一個訪問中，被問到現時在香港從事新聞，是否已成為敏感行業。陳淑薇認為只要報道事實，並非搞亂社會便不用害怕，並呼籲新聞及傳理系學生畢業後入行，指做記者可以擴闊視野：「當你知道咗好多嘢嘅時候，你會覺得自己係吸收咗好多嘢，你其實有個滿足感。然後你再諗，呢行雖然人工少少，其實坦白講，足以養活自己同屋企人。」
現時為商業電台主席特別顧問的的陳淑薇，曾任商台新聞及公共事務部總監、香港新聞行政人員協會主席，現同為香港新聞博覽館副主席，去年獲行政長官李家超頒授金紫荊星章。
陳淑薇：報道事實應客觀、公正 不應斷章取義
陳淑薇早前接受恒大傳播學院節目《恒傳學院》訪問，稱現時仍十分喜歡做新聞，稱如要做到好的新聞報道：「便要將事實嘅全部，冇自己認為係點點點，而係真係要將事實、客觀、公正，仲有唔好斷章取義講俾我哋嘅朋友聽，講畀香港嘅時候聽，讓佢哋對事情有個比較全面啲嘅了解。」
入行逾30年、在行內被尊稱為「May姐」陳淑薇認為，一般人只會選擇自己喜歡聽的事，而忽略了事實，而真正的新聞工作者應該將事實告訴朋友：「呢個責任係重大，但係好有意義。」被問到新聞是否敏感行業，陳淑薇承認是敏感，因為新聞要快而準，內容亦不能有錯：「今時今日大家就講，有好多唔同嘅法例出咗嚟啦，會唔會影響咗我哋講嘢？我自己好信就係，我哋講事實，我哋講真話，你唔係諗住要搞亂個社會嘅，你只係報道事實，咁你問我，我唔驚喎。」
影片截圖
影片截圖
影片截圖
指真誠客觀公正全面報道事實 便不怕沒有新聞自由
作為新聞界老行尊，陳淑薇稱新聞工作令人嚮往的地方，就是記者每宗採訪，都能從採訪中學習到新知識，並學習使用電腦、輸入法、電話及人工智能：「嗰份工就係個個月有糧出，但係唔使交學費，有好多新嘢學。」她表示，即使科技改變了平台，但新聞原則及理念不應有所改變。
談到記者薪酬不高，但工時就較長，對年青人的意義何在。陳淑薇亦稱傳媒行業「有開工冇收工」，重申記者要將事實的真相，不偏不倚、客觀及公正地告訴受眾，讓對方了解事實真相：「當然你要自己令自己有呢個能力，去知道呢個真相係咩，自己要不停學習，喺不停學習嘅過程，當你知道咗好多嘢嘅時候，你會覺得自己係吸收咗好多嘢，你其實有個滿足感。然後你再諗，呢行雖然人工少少，其實坦白講，足以養活自己同屋企人。」
影片截圖
她再三強調，只要以真誠、客觀、公正及全面地報道事實：「用呢個態度嚟處理新聞，其實你就唔使驚冇自由。」
勉勵新聞系學生畢業後入行 稱做記者可擴闊視野
在訪問中，陳淑薇提醒年輕一輩要認真做新聞：「你係夠養活自己，夠養活屋企人。但你話要好富貴呢？係無嘅，其實我哋人唔需要求咁多嘢。」她表示，自己未曾買過「名貴包包」，指做人不追求物質滿足感，而是精神上的滿足。
陳淑薇最後勉勵新聞系學生，在畢業後加入該行業，建議可先嘗試兩至三年是否喜歡，如喜歡便會繼續：「既然讀咗新聞，既然讀咗傳理，你就唔好諗住宜家要去考AO（政務主任）先，因為我哋呢行，畢竟令到你視野廣闊，好多嘢㗎。」
影片截圖
影片截圖