【獨媒報導】今日是宏福苑火災後第二個「上樓日」，到場的主要是宏新閣中層居民。住18樓的柯先生說，即使家園已被燒燬，仍覺得必須親自上樓，「一定要上去㗎，呢個係心願嚟㗎」，又說沒有足夠時間「練體能」，只能「揸住支柺杖慢慢篤上去」。另外，有年屆87歲的長者因身體不適，無法上樓，唯有等待孫仔上樓後與她視像通話，「幫手」執物品。亦有居民自費購入外骨骼設備，稱使用外骨骼設備沒難度、沒危險，希望政府能和供應商「傾一傾」，重新為上樓居民提供免費借用。
今早天氣時晴時雨，9時前已有數十位有居民帶同行李箱和紅白藍膠袋等，一早到大埔墟港鐵站乘坐免費穿梭巴士到宏褔苑。居民中有不少上了年紀，亦有人手持柺杖。港鐵站外，亦有民政署、警員和關愛隊等在場。
柯先生
18樓老翁稱「燒哂都要上去」 嘆「等咗好耐」擔心有失竊
柯先生於宏褔苑宏新閣住了近半世紀，他的家位於18樓，他自己亦滿頭白髮、手持柺杖，卻表示要行上去雖然會吃力，但因為「係自己屋企嚟㗎，一定要上去㗎，就算燒哂都要上去睇㗎，呢個係心願嚟㗎」，但通知時間短，亦「冇得練（體能）啦，咁短時間點練呀」，只能「揸住支柺杖慢慢篤上去」。
柯先生表示，自己住的那層樓，八個單位內，就以自己的單位外觀較好，「單位數過應該係僥倖個窗口冇爛，仲有啲希望」，但由於行動不便，亦不奢望能把大型重物搬走，只找了個朋友幫忙，希望能帶走一些具紀念價值及貴重的物品，如結婚證書等，但實際是甚麼，則「上到去先記得」，又指「一戶一社工得一張相，剩係見個門口，乜都冇」，因此難作打算。
事隔幾月終於上樓，柯先生表示「平常心」看待，又指「等咗好耐，應該一早可以比我哋上去啦，等到而家你先比我上去，啲嘢係唔係度都唔知」，又指有關安排太遲，「嘈咗好耐啦已經」。至於家中的貴重物品，他亦擔心有失竊，因此要「上去睇吓」。
譚先生
受訪居民不住流淚：損傷係兩間（屋），（擁有）記憶都係兩間
住1708室的譚先生因擔心體力不足，自費從內地購入一套外骨骼設備。他說早前曾穿上外骨骼設備行樓梯作測試，由10多樓行到31樓，認為有一定幫助：「力就慳到一半，但喘氣冇得變。」他又提到，原本還為家人向義能聯合會借了三套，可惜機構最後取消借出安排，現時只剩下他自費買的一套：「頂住先囉，呢套嘢相當好。」 他稱作為用家，認為使用外骨骼設備沒難度、沒危險，希望政府能和供應商「傾一傾」。
譚先生在宏福苑住了30多年，兒子亦在此處出世；譚先生後來再買下原居單位旁的單位，「損傷係兩間（屋），（擁有）記憶都係兩間」。他說，盼能從家中夾萬中取回「少少金飾」，至於有紀念價值的結婚證書、照片等，他相信全已燒燬。受訪初段，譚先生語氣尚算輕鬆，但被問到現時心情，他坦言有「少少驚」，並且不住流淚：「因為啲相睇出嚟真係燒得好犀利⋯⋯始終住咗咁多年。」
Dorz與嫲嫲
八旬婆婆因病未能上樓 孫仔視像「幫手」執拾
Dorz是宏新閣中層居民，他的87歲嫲嫲因身體不適，無法上樓，唯有在樓下等待Dorz上樓後與她視像通話，「幫手」執物品。Dorz說，他事前未收到單位內的相片，未能預計實際損毁狀況，但認為不會太嚴重，又稱「4個月無返過屋企，你都好難記得屋企啲嘢擺喺邊度，所以都要啲時間搵出嚟」。他另談到，嫲嫲很想上樓，「今次join唔到上去，但係佢都會堅持下次都想上多次去」。
對於政府安排3小時執屋時間，Dorz坦言不夠，「執屋都要執成日啦」，盼爭取多一次上樓機會。他又認為，對遇難者家屬而言，「可能都要好好同屋企道別，即係3個鐘都唔會夠，祈個禱都好，喊一喊都好」。
Dorz 身上設置拍攝器材。他表示雖然未知是否最後一次回家，仍想紀錄「最後一次」的回憶，又指會盡量滿足嫲嫲要求，「佢會好堅強，咁所以佢都 handle到嘅」。
張先生
有居民盼撞見鄰居 道謝火災當日拍門救回太太
另一名居住11樓居民張先生帶備4個大袋上樓。他同樣未事先收到單位內的相片，對屋企情況感到樂觀。他表示3小時執拾時間足夠，事前已分物品的先後次序，最主要想找回結婚相、戒指、太太嫁妝、龍鳳鈪及手飾，但稱「唔記得咗擺邊，都過咗咁多個月同埋體積細」，亦會想拿回收藏10多年的小玩具，又指不太擔心貴重物品被盜竊：「我太太收得都係幾埋吓，可能埋到直情我哋都唔記得咗個位啦」。
除了上樓執拾外，張先生非常期待與鄰居相遇：「當日有鄰居拍門救返我太太……直情隔離門口拍我哋道門，同我哋講『要走啦』咁樣，都想多謝佢，如果唔係佢哋，我哋都唔知個家庭會係點。」不過據了解，政府是分單、雙數安排居民分批上樓，故他不太有期望會遇見，「就算見唔到都好，都喺度想同佢講聲多謝」。