【獨媒報導】47人涉組織及參與民主派初選，被控「串謀顛覆國家政權」罪，16人不認罪，今（5日）踏入審訊第79天。何啟明繼續接受盤問，就初選論壇的發言作出解釋。對於論壇提及「打倒共產黨」，何啟明指是批評中共無兌現《基本法》承諾的「憤慨之言」，又指社會很多人講「打倒共產黨」講了數十年，當時《國安法》亦未實施，他相信鄧小平稱「共產黨是罵不倒的」。何又強調「攬炒嘅係中共」，指《國安法》令股市跌、令市民有恐懼。
對於論壇表示民協「唔會同呢個極權有咩嘢好傾」，何指「極權」是指港府而非中央，直言「中央政府唔會同我哋傾」；又解釋要展示堅定形象，但認為政治本質仍避不了「傾」。法官問即虛偽是關鍵？何稱由選民決定。何亦曾提及要令立會成為政府及保皇黨「地獄」，他解釋以往民主派是少數，即使議案有建設性亦被「熄咪、趕出會議廳」，望「建制派經歷返民主派經歷過嘅嘢」。
論壇表示與極權「冇咩好傾」 何稱指香港政府：中央政府唔會同我哋傾
主控萬德豪下午就何啟明於2020年6月九西選舉論壇的發言提問。其中何啟明被馮達浚問民協以往「又傾又砌」，今時今日是否摒棄此主張，何答：「唔係，呢個好清楚㗎喇，我哋面對呢個極權呢，佢就係不斷嚟到打壓我哋，所以反抗係我哋唯一嘅出路，我哋唔會同呢個極權有咩嘢好傾㗎喇。」
萬德豪問「極權」是指香港政府？何答「係」。萬問也指中國政府？何說：「我記得呢一句嗰陣時係講緊⋯應該係講緊特區政府㗎啫，因為中央政府唔會同我哋傾」，鄒家成和林卓廷等發笑，何再說：「我哋傾嘅對象⋯⋯中央政府都唔會睬我哋啦。」
何稱論壇上要展示堅定形象、政治本質避不了「傾」 虛偽與否由選民決定
法官陳仲衡續指，何啟明「唔會同呢個極權有咩好傾㗎啦」一句，與施德來論壇稱「冇討論嘅空間，冇談判嘅餘地」很相似。何不同意，指他是回應馮達浚的問題，指「民協畀人鬧咗三十年『又傾又砌』，啫係話我哋搖擺不定、話我哋騎牆」，而他要短時間回應馮達浚，「就要喺最短嘅時間展示返民協係一個堅定嘅民主派，所以話『冇嘢好傾』」，但何強調，「呢個係一個形象上嘅展示，我哋要明白政治嘅本質就係有『傾』呢個過程。」
李運騰問，所以當何說「冇嘢好傾」時，並沒有這個意思？何說：「呢個係政治嘅本質，你避免唔到『傾』呢樣嘢。」李指現時不是發表演說的時候，只是想理解何當時的想法，並問即何內心深處是認為仍要「傾」？何同意。控方質疑他沒說出來，何重申「我要回應佢嗰個形象嘅攻擊嘛」，因此要表明是堅定民主派。
李再問，即何不是說他真心相信的話？何答「唔係」，重申「呢個政治本質係咁，你形象要堅定，但你要明白個操作真係避免唔到『傾』」。李再問，即虛偽就是關鍵？（“Hypocrisy is the key?”）何說：「我覺得我係希望⋯⋯將民協嘅形象定位喺一個堅定嘅民主派啦，至於係咪虛偽呢，咁選民就自行決定喇。」
萬德豪說，但何可以直接回應他不是騎牆派。何語速稍快說：「有好多個選擇嘅如果要答嘅話，咁我當時時間短，佢問我係咪『又傾又砌』，我就答佢『冇嘢好傾』，唔係更加中 point 咩，我覺得係喎。」鄒家成和李予信等發笑。萬德豪指，何說的話實與施德來的立場一致，何不同意。
稱令立會成保皇黨地獄 何稱民主派曾被熄咪等 要建制派有同樣經歷
控方續引何啟明於論壇提及達到35+「我哋要令到立法會成為呢個政府同埋保皇黨嘅地獄」。何解釋，「咁以往民主派係少數，我哋畀人熄咪、我哋畀人趕出會議廳，咁35+我哋係多數，咪我哋熄返佢咪，我哋趕返佢哋出去囉。」多人發笑。
陳慶偉問即癱瘓政府？何說「冇呢個意思」，解釋「以往呢民主派少數呢，無論我哋嘅提議幾咁有建設性、幾咁有意義呀，我哋都唔會得到重視，結果就係畀人熄咪、畀人趕出會議廳，甚有啲唔合法嘅程序都可以繼續落去㗎，所以其實對我哋嚟趕係真係好憤怒」，並確認「我哋」是指「民主派」。
李運騰問，故何認為以往民主派遭受不公義（injustice），他們就要做同樣的事？何指「趕佢哋出去、熄佢哋咪」是過半後可以做的事情的例子，「但係我冇話我哋會變成佢哋一樣咁唔公義」，「我諗係要建制派經歷返民主派經歷過嘅嘢囉，但唔一定會變得不公義。」被問民協議員曾否被熄咪、趕走，何說不記得。
何稱「攬炒嘅係中共」 指《國安法》令股市跌、令市民生恐懼
控方續引何啟明於論壇被主持問到，民協簽署「攬炒」的「墨落無悔」聲明，但攬炒受傷最大的是基層，若深水埗居民有天要求民協放棄抗爭，否則就放棄民協，「你會選擇背棄堅定抗爭聲明，定係背棄深水埗嘅支持者？」何當時表示深水埗居民眼睛很雪亮：「而家攬炒係邊個，攬炒係中共呀嘛，有《國安法》，股市先跌喎⋯⋯有《國安法》，真係會有個中國特務走嚟搶你啲魚、搶你啲菜，話係國家安全，佢做乜都得噶喎，所以真正令到香港經濟差、真正令到基層市民生活苦，嗰個係共產黨，係呢個極權社會，係呢個極權政府」，並指街坊都明白，「我哋真係要出嚟抗爭，我哋真係要出嚟反抗喎。」
萬德豪質疑，何啟明一直表示關注深水埗基層，不認為當時是黃金機會告知公眾他無意否決預算案嗎？何表示：「我覺得呢個係黃金機會講『我唔同意攬炒』，因為主持問題係『攬炒』」，又指當時主持稱簽「墨落無悔」就是攬炒，但「我唔認同『攬炒』，我亦唔認同嗰份抗爭聲明係攬炒，因為我覺得攬炒嘅係中共」。李運騰問，問題是如果抗爭和民生之間有兩難，他會如何取捨？何表示若抗爭派與民生如此對立，便會視乎預算案內容與民協商討再決定，重申主持刻意將攬炒與民生對立，故他就表明「真正攬炒嘅係呢個中共」。
李運騰指「一隻手掌拍唔響（“It takes two to tango.”）」，何再重申是「中共攬炒導致到民生差」，指「因為有《國安法》，股市跌」。李問何真的如此相信？何指當時記得「吹風出嚟話會有《國安法》，股市真係跌，跟住『國家隊（內地資金）』進場先升返」，多人大笑。
李再問，那何提及中國特務搶魚和菜，也是真的有發生嗎？再引來哄堂大笑。何解釋是「同街坊傾偈得出嚟嘅結論」，指當時說法是《國安法》凌駕一切香港法例，「大家就會有一個恐懼，當恐懼去到極致嘅時候，大家就會諗咗呢啲嘢出嚟。」李問所以這是想像，多於其個人經驗？何同意「字面上咁我真係冇經歷過呢啲」，但他是在說街坊的憂慮。
何稱無民主就無民生 政府人民所選才會回應訴求
李再問，故在抗爭與民生只能選一樣，何啟明會怎樣選擇？李又問何稱會以民生為先，在其發言何處看到？何表示：「因為我相信沒有民主，就沒有民生」，惟陳慶偉打斷着他回答問題。何續解釋，他發言時表示明白街坊生活困苦，而要改變就要告訴他們，令大家生活困苦的是極權政府，並要出來反抗。他又提到「墨落無悔」亦提及爭取雙普選，「有民主就有民生喇。」
陳慶偉質疑，何事實上是着重抗爭多於民生，萬德豪亦問，何認為民主比民生更重要？何否認，表示：「我係話有民主先會有民生，因為個政府要係人民選出嚟，佢先會回應人民嘅訴求。」萬指，即何啟明優先爭取民主？何答：「因為喺而家嘅處境冇民主，所以要爭取民主囉。」萬再追問，是以民生為代價（at the expense of livelihood）？何答：「唔係，冇講過。」萬最後指，何意圖否決預算案爭取民主，何不同意。
論壇說「打倒共產黨」 何稱無意打倒、信鄧小平說「共產黨是罵不倒的」
萬德豪續指，何啟明表示中國政府是極權政府，何表示「我係話⋯⋯共產黨」，惹來哄堂大笑。萬指中共是中國執政黨，故何啟明是反對政權？何回應是指「不輕易順從」。李運騰指，但何在論壇亦曾提及「一定就係出嚟打倒共產黨」，並不只是不順從。何回應是「憤慨之言」、「對共產黨嘅批評」，解釋因中共「由『8.31條例（人大8.31決定）』去到《國安法》」，均「冇兌現返佢喺基本法嘅承諾」，「同埋我相信鄧小平話『共產黨是罵不倒』的」，多人發笑。
陳慶偉續指，何無意打倒共產黨，實可以只說「一定要出嚟批評共產黨」，但何卻選擇了用「打倒」一字，何同意「我係揀咗呢個字」。李運騰指那不是何唯一提及「打倒共產黨」之處，控方續引何被問如何運用議會資源結合街頭抗爭，亦曾回答可「請手足」來「生生不息對抗極權」，「打倒共產黨」。
萬德豪問何是否與「手足」一起打倒共產黨，何否認，解釋在選舉論壇「要短時間內 appeal to（吸引）群眾，係會運用選舉語言」，同意法官指是「誇張法（hyperbole）」，又指「當時嘅社會有好多人講咗『打倒共產黨』講咗幾十年」，且當時《國安法》未正式實施故這樣說。何強調，「我用『打倒』呢真係唔係諗住打倒，係真係一個批評嘅意思，情形就好似你真係憤慨嘅時候你講粗口，你都唔係真係嗰個意思咁樣」，林卓廷哈哈大笑。
萬德豪續問，《國安法》後，何有否告訴公眾他無意打倒共產黨？何表示「我諗住過咗去就算，就冇解釋喇」，又指「因為我記得好似話7月1號之前嘅嘢就唔會追究」。萬最後指，何有意打倒共產黨，《國安法》前後均意圖透過否決預算案推翻政府，何不同意。
案件明續審。
審訊第七十九日
何啟明指戴耀廷倡「攬炒」不信對否決權解釋、無公開指施德來說法不代表黨因「冇諗過咁大鑊」
論壇提「打倒共產黨」 何啟明稱屬「憤慨之言」、信鄧小平說「共產黨是罵不倒」
審訊第七十八日
簽「墨落」但無意否決預算案 何啟明指民協支持者理解無需澄清
何啟明解釋選舉單張：政府是對人民「暴政」、港人對強權要「Full Counter」反擊
審訊第七十七日
何啟明：「光復香港」指望回復以往自由法治 區議會曾過半冀立會再實踐
何啟明稱支持「墨落無悔」內容、理解為可用「一系列權力」不限於否決財案
審訊第七十六日
彭卓棋稱《國安法》後放棄政綱「已做盡」：真係萬估不到都係會出事
審訊第七十五日
官質疑論壇作出虛假陳述 彭卓棋指為「鬥黃」、今回看是「策略錯誤」
彭卓棋稱無興趣理會民主派能否獲35+：我只關注自己攞唔攞到議席
審訊整理
第二周審訊整理 區諾軒作供稱「我驚背漏」 民主派就否決預算案現分歧
第三周審訊整理 區諾軒：各區協議無公開惹爭議 戴耀廷初選後稱「不說癱瘓政府」
第五周審訊整理 區諾軒認辦初選目標與戴耀廷不同 中聯辦譴責後盡全力解散初選
第六周審訊整理 區諾軒稱感被戴耀廷「騎劫」惟翌日改口 指「攬炒十步」為「狂想」不欲在港發生
第七周審訊整理 區諾軒認「35+」可能失敗 指戴耀廷協調過程難言民主
第八周審訊整理 趙家賢稱戴耀廷「風雲計劃」起營造憲制抗爭 對戴未獲共識提「攬炒」感「好火滾」
第九周審訊整理 趙家賢指抗爭派失控「唯有DQ自己」
第十周審訊整理 趙家賢稱感被戴耀廷「騎劫」惟屢遭官質疑 指答應辦初選因不想被邊緣化
第十一周審訊整理 何桂藍一方質疑趙家賢可信性 趙否認淡化參與換取減刑
第十二周審訊整理 趙家賢完成作供 控方上周破解鍾錦麟手機
第十三周審訊整理 鍾錦麟：民動2020年2月與戴耀廷有共識協辦初選、戴曾稱不要求無差別否決財案
第十四周審訊整理 鍾錦麟完成作供 證人X新西會議拍片交警方自言「光明正大」
第十五周審訊整理 控方傳畢證人 押5.29處理「共謀者原則」法律爭議
第十六周審訊整理 「共謀者原則」法律爭議 法官裁定不適用於《國安法》生效前言行
第十七周審訊整理 4被告申毋須答辯 官裁16不認罪被告全表證成立
第十八周審訊整理 辯方案情展開 首名作供被告鄭達鴻供述與公民黨分歧
第十九周審訊整理 鄭達鴻稱公民黨因《國安法》改政綱、否決財案僅「籌碼」不致癱瘓政府
第二十周審訊整理 曾被嘲「大灣棋」 彭卓棋認「扮黃」爭支持、國安法後棄政綱
區諾軒24天證供總結︱「35+計劃」怎樣開始？就否決預算案達成共識了嗎？
趙家賢17天證供整理︱趙口中的「35+計劃」是怎樣的？民主動力角色是什麼？與區諾軒證供有出入嗎？
鍾錦麟3天證供整理︱民主動力如何參與「35+計劃」？與趙家賢證供有什麼出入？