【獨媒報導】47人涉組織及參與民主派初選，被控「串謀顛覆國家政權」罪，16人不認罪，今（1日）踏入審訊第96天。陳志全繼續作供，就立法會選舉延期後，議員獲延任一年但他選擇不留任，陳解釋因只獲選民授權任4年議員，亦對民主派失望。陳指，當時去留爭議只從理論上指留任「有點好」，卻無民主派議員願出來承認「我哋以前做得唔夠好」，並承諾留任後會盡最大努力做好議員職責，陳自言當時「我真係有好大嘅無力感同埋無心戀戰」，故選擇不留任。陳又一度指「我嘅惡夢係，你哋話留任，我陪你留」，但到了早上8點半鐘開會，又「得我一個對住十幾個建制派」，陳指如萬一他也遲到，「真係冇經審議就可以過好多議案嘅撥款。」
此外，就何桂藍早前稱曾邀請陳志全出席抗爭派記者會但「食檸檬」，陳解釋當時理解是抗爭派「祝捷會」，因不覺與他們同一派系，故無想過出席。
官指現身何桂藍街站 陳解釋與黃耀明何韻詩打招呼
陳志全繼續作供，就何桂藍上周播放初選投票首日於大圍街站的片段，法官陳慶偉一度指看到陳志全。陳今解釋，當日他也在大圍火車站另一邊開街站籲市民投票，看到該處有很多記者，得悉是何桂藍見記者，而「大愛同盟」的共同創辦人黃耀明和何韻詩亦在場。陳指當時心想，「佢哋見緊記者我就唔好過去騷擾佢哋，費事啲人話我係攝石人」，而後來以為已見完記者就走過去與二人打招呼。
陳稱認為抗爭派記者會是祝捷會 不認為屬同派系故無想過去
至於7月15日抗爭派記者會，何桂藍早前稱曾邀陳志全出席但「食檸檬」，陳今指何提及「我請佢食檸檬嗰時呢，其實我係印象好模糊，唔係好記得呢一幕」。陳續說「我就唔記得何桂藍有冇叫過我喇」，但記得朱凱廸曾問他是否出席該記者會，他當時亦拒絕。
2020年7月15日 抗爭派記者會
法官陳仲衡追問，陳是沒有空抑或不想去？陳說按其認知，「嗰個係抗爭派嘅祝捷會嚟嘅，因為佢哋喺初選度佢哋係覺得自己大勝啦」，有份出席的余慧明掩嘴發笑。陳續說：「咁我唔覺得我同佢哋係同一個派系，所以佢哋一個祝捷會，我就冇諗過會去。」
人大宣布議員延任一年 陳：不主張留任因對民主派議員失望
陳續確認，他7月27日收到選舉主任提問，翌日回覆後，政府便於7月31日宣布選舉延期，直至當時選舉主任仍未就其提名是否有效作出裁決。其後人大常委會於8月11日宣布現任立法會議員延任一年，但陳於同年9月28日通知立法會秘書處，9月30日任期屆滿之後不會延任。
陳解釋拒絕延任有兩個原因，其一是他覺得他參加2016年立法會選舉時，選民只授權他做一屆四年任期，如他在9月30日之後的時間延任「我係冇得到選民嘅授權」。
人民力量前主席、前立法會議員 陳志全
第二個原因則與他今早提及對民主派的失望有關，陳指當時社會就議員應否留任有很多爭論，當中提到去或留的好處，主張留任的人指「如果立法會冇晒民主派，咁政府咪過乜嘢都得囉」，所以認為留任有價值，然而陳自言「我係極少數話我唔係『主留派』，我係傾向唔留任嘅」。
陳指當時無很廣泛地與人說，只做了一兩個訪問表示：「你哋話留低有價值嘅議員，會唔會去承諾，喺延任嘅時候你會盡你最大嘅努力去做好議員嘅職責呢？」，即他今早提及「要勤力開會、準時、積極發言」。陳續指如果當時主張留任的議員「肯出嚟講，我哋以前做得唔夠好」，並願承諾在留任的日子，會準時開會、盡能力加入所有委員會、積極發言質詢及「投票唔好甩轆」，「可能我都會再考慮留唔留。但傾咗一大餐冇人講呢一啲問題，淨係講理論上留任有點好有點好」，陳苦笑搖頭。
2020年9月29日 宣布留任的民主派立法會議員見記者
陳：無人承諾準時開會等「基本嘢」 有很大無力感、無心戀戰
陳續說：「我嘅惡夢係，你哋話留任，我陪你留，跟住朝早8點半鐘開會，得我一個對住十幾個建制派。如果萬一我都遲到嘅話，真係冇經審議就可以過好多議案嘅撥款」，陳再說：「因為冇人可以應承到我呢啲咁基本嘅野，喺嗰個時刻，我真係有好大嘅無力感同埋無心戀戰，你可以話。」
陳續指反對派即使在議會是少數，其功能就如一塊石頭，「唔多唔少你都可以阻到一啲唔得市民支持嘅法例或者撥款嘅通過」，也可透過質詢和辯論，令更多市民知道內情。此時法官李運騰打斷，認為陳已回答了問題，不需要陳的詳細回答，馬維騉亦指明白無需要。陳志全終指：「我簡單一句總結，就係冇人畀到承諾話留任嘅時候會盡力去開會，所以我選擇唔留任。」
2020年9月28日 陳志全、朱凱廸呈辭立法會議員職務
陳重申不會在未見法案或撥款前否決
馬維騉最後問陳，直至他2020年被捕，有否講過、或意圖予人印象他會無差別否決財政預算案，陳表示沒有。馬再問陳會否無差別否決預算案，陳稱：「我唔會喺未見到個法案或者撥款之前就話我會否決佢。」陳亦指，沒有人在任何階段要求他否決財案或同意他們如此做。
馬維騉續指，基本上已問完打算問的問題，望保留主問的權利直至明早，才正式完結主問。鄒家成難以置信地笑望林卓廷，何桂藍亦發笑。案件明早續審。另歌手黃耀明下午亦有到庭旁聽。
黃耀明
審訊第九十六日
陳志全開始作供 指35+非「實贏」關鍵在一致行動 惟民主派過往「各自為政」
陳志全認35+機會微 仍提可否決財案冀對峙無力感鼓勵選民投票
陳志全稱對民主派失望、「無心戀戰」遂不留任立法會
審訊第九十五日
何桂藍完成10天作供 指如黃定光「瞓咗冇睇」等3情況才屬無差別投票
審訊第九十四日
何桂藍認同議員有權基於政治訴求否決財案 惟指不論內容否決「程序上講唔通」
審訊第九十三日
何桂藍指難言誰發起抗爭派記者會 稱曾邀陳志全出席但「食檸檬」
何桂藍指《國安法》令《基本法》成condom、若法庭認同爭民主化為顛覆是「攬炒」普通法
審訊第九十二日
何桂藍談議會無用仍參選：意義做咗都未必搵得到，但唔做就一定搵唔到
審訊整理
第十八周審訊整理 辯方案情展開 首名作供被告鄭達鴻供述與公民黨分歧
第十九周審訊整理 鄭達鴻稱公民黨因《國安法》改政綱、否決財案僅「籌碼」不致癱瘓政府
第二十周審訊整理 曾被嘲「大灣棋」 彭卓棋認「扮黃」爭支持、國安法後棄政綱
第廿一周審訊整理 何啟明稱簽「墨落」仍可選是否否決財案 劉偉聰從不知初選綑綁當選後行為
第廿二周審訊整理 施德來：論壇提否決財案為顯民協「進取」、要特首回應五大訴求為否決恰當原因
第廿三周審訊整理 何桂藍：參選望推進2019年運動、預算案存「黑洞」反對是履行憲制責任
第廿四周審訊整理 何桂藍：初選為迫政權回應民意、若法庭認同爭民主屬顛覆是「攬炒普通法」
區諾軒24天證供總結︱「35+計劃」怎樣開始？就否決預算案達成共識了嗎？
趙家賢17天證供整理︱趙口中的「35+計劃」是怎樣的？民主動力角色是什麼？與區諾軒證供有出入嗎？
鍾錦麟3天證供整理︱民主動力如何參與「35+計劃」？與趙家賢證供有什麼出入？