（獨媒報導）上周日是六四事件34周年，警方全日重兵在維園一帶巡邏及截查市民，並將部分人帶到警署，當中包括記協前主席麥燕庭。記協曾發聲明批評惟兩度遭警方去信反擊，保安局局長鄧炳強今早接受電台訪問強調，任何身分都不是特權，「唔會話『我係記者，我係記者協會以前邊個邊個，我係國際媒體，你唔可以掂我』，冇人係凌駕法律之上嘅。」
記協前主席麥燕庭六四當日被帶走
6.4帶走多人 鄧：有人死心不息企圖危害公共安全
警方在六四當晚發稿指，以涉嫌破壞社會安寧帶走23人，並以「妨礙警務人員執行職務」拘捕1人。鄧炳強今早接受港台訪問批評，有人利用敏感日子危害國安：「喺一啲特別敏感嘅日子，有啲人硬係死心不息希望做啲行為危害公共安全、公共秩序甚至係國家安全。」他提到有人或批評「呢啲人攞支蠟燭出嚟、寫張紙喺度，你就帶走佢」，認為看事情不能單看一面，強調若不處理該些人，活動就有機會被騎劫，故須採取行動處理避免事態惡化，「如果冇問題我哋唔會帶走佢。」
被問到悼念六四究竟是否違法，鄧炳強就重申「法例就好清楚嘅，我哋唔好成日跌入一啲人設出嚟嘅陷阱」，指「唔係單單某日做咗咩嘢」判斷，而是視乎行為的出發點及是否危害他人。他斥責有人「打擦邊球」進行搞軟對抗，又批評聯合國發文稱對市民被捕感震驚，指已就不實指控澄清，「都明白喺地緣政治下，梗係有啲外部勢力想搞下你。」
鄧炳強（資料圖片）
「任何人嘅身分都唔會係特權」
六四當日被帶走的包括記協前主席麥燕庭，她事後接受電台訪問表示，當日以外媒記者身份工作，被截查時本來被指示前往封鎖區搜身後放行，最後卻被帶上警車，感覺被騙，批評警方做法離譜並促「大家有規有矩唔好玩陰招。」記協亦發聲明斥警方阻礙採訪工作，被警方兩度去信反擊，指麥被截停時無佩戴記者證、「亦沒有明顯採訪行為」，要求記協撤回聲明，又轟「一再發表未經查證、以偏概全的說法」。
就麥燕庭被帶返警署一事，鄧炳強指警務處的聲明已解釋清楚，強調身分不是特權：
「任何人嘅身分都唔會係特權，唔會話『我係記者，我係記者協會以前邊個邊個，我係國際媒體，你唔可以掂我』，冇人係凌駕法律之上嘅。我哋界線得一樣，你有冇違法、有冇可能違法，我哋就係調查一樣嘢，不能話乜乜乜背景唔能夠查我。」
記協主席陳朗昇今午在會員大會後亦提及事件，對警方覆信未有回應問題感失望，指「點為之採訪，新聞工作者最清晰」，警方未必理解。他又指記協已表明願意與警方溝通，重申重視與保安局的工作關係。
記協主席陳朗昇（資料圖片）