圖由受訪者提供
（獨媒報導）Ronnie今日上樓，代父親取回他在宏新閣近20樓單位內的茶壺：「爸爸話一定要攞返啲茶壺，好彩啲茶壺冇燒爛。」她提到，父親在火災過後患上急性精神病，至今在醫院療養了兩、三個月，亦由行動自如到變為要人攙扶才能行走：「佢有同醫生講想出嚟，但我哋住近20樓，太高，佢行唔到。」
Ronnie說，病情令父親不願面對現實、情緒起伏大，「我同媽媽都控制唔到、或者跟唔到」，醫生則形容他「有個防護網」。但她慶幸仍能在父親的房間尋回茶壺，希望父親見到茶壺後，「知道自己屋企發生咩事，好好面對剩低落嚟嘅日子」。她亦說，完成爸爸交帶的任務，自己感覺「舒服啲」，「好似有啲嘢同佢交代，佢喊嘅時候有啲嘢俾佢睇到、有啲嘢俾佢摸到，希望佢快啲返嚟現狀。」
至於單位內的情況，Ronnie形容是「全屋都是灰」，「我好似小朋友喺沙灘掘吓掘吓，全部都係塵，好唔容易攞到嘢返嚟」。除了茶壺，她還在家中尋獲少量戒指、銀仔等，「冇乜嘢可以攞，單車都燒到變咗形」。她又說，最意外是廁所洗手盆「燒到唔知點解黐咗去佢（父親）間房度」。
