（獨媒報導）本港確診個案近日持續回落，港大醫學院生物化學系教授金冬雁指出，疫情目前在跌勢之中，但就難以清零，「跌到病毒搵唔到可以感染嘅人，咪停囉，你想話佢零就無咩可能」，預計每日仍會有1,000至2,000宗個案。他表示，本港現時無條件再次大爆發，因為目前的即時有效繁殖率低於1，並相信疫情假以時日將受控。
指新冠將成風土病 金冬雁：沒超級傳播的土壤
港大醫學院生物化學系教授金冬雁等4人日前撰文，指新冠將成為本港風土病，希望能步向復常。他今早在港台節目中解釋，因為現時的重症、死亡個案很少，九成九感染患者均屬輕症、無病徵，而且有效繁殖率在過去三個月介乎1.2至1.5，目前更低於1，即一個人可傳染少於一個人；加上香港沒有超級傳播的土壤，即使學校有學生染疫，確診人數亦不多。
本港在今年2至3月期間爆疫，不少長者身亡，金冬雁認為其實可以避免，而現時已有不錯的手段防疫，「宜家都係有唔錯嘅手段啦，包括疫苗啦、口服抗病毒藥啦，實在唔得嘅時候可以將啲老人家逆向隔離啦。宜家我哋做晒呢啲嘢呢，即使再爆都唔可能好似二、三月。」
政府稱仍屬第五波反彈 專家指第六波較合理
金冬雁認為當務之急是長者、小童須完成接種三劑疫苗，「香港係自由，無辦法監人打疫苗，所以提出嚟話用疫苗通行證呀，畀多啲誘因佢呀，咁都係需要嘅。」他建議，不接種疫苗的長者應作恆常性快速測試，如確診則立刻服藥，「咁樣都可以救返一大部分人」。
另外，金冬雁等4人在文中形容，現時為本港第六波疫情，但衞生防護中心傳染病處主任張竹君昨日表示，目前仍為第五波反彈。金冬雁指出，現時的病情株有變，已由BA.5取代BA.2成為主流，「佢上一波差唔多去到底㗎啦，然後又再升返上嚟，用第六波嚟睇佢都比較合理啲。政府嚟睇係第五波餘波，我哋都唔想爭議呢件事。」
倡抵港後可增加快測次數 指疫苗通行證仍屬必須
政府正研究放寬抵港人士檢疫安排，或會推行「0+7」。金冬雁認為，抵港後可減少作核酸檢測，反而應增加快測次數，即連續在3至6日內，每日或隔日作快測，便能識別出98%個案。
至於疫苗通行證，金冬雁則指屬必須，因為要提供接種誘因，並應在最後階段才放寬口罩令，「喺科學上講，呢啲人其實係應該要打針嘅，為自己好，為社會好，為朋友好，為你屋企裏面嗰啲老人呀、長期病患者好。」