特首林鄭月娥兩個月內極速變臉，而家日日出黎撐填海，仲指令土地供應小組要提早總結民意，等佢十月施政報告有貨交。唔知專責小組主席黃遠輝係咪因此受得太大壓力呢？我地發覺佢變得仲快，兩日之間已經完全唔同講法：
睇返7月3日《信報》，佢話「諮詢期內，小組每月都有分析意見，相信最快9月初可得出大方向，然後交予特首考慮。」
到今日上電台節目，佢又改口稱「小組在9月26日公眾諮詢期結束後才開始分析數據和撰寫報告，按原定計劃12月提交報告已十分急趕，故無可能在9月提前交出方向性建議。」仲話自己「從無預計9月就要交出方向性建議」。
咁到底「諮詢期間每月分析市民意見」哩件事有無發生過呢？9月又會唔會無端端有個未諮詢完的「大方向」走咗出嚟？係《信報》quote錯、定係有人講完唔想認？俾返市民一個交代好喎！
資料來源：
7月3日《信報》〈林鄭率先表態 支持填海增土地〉
7月5日《蘋果》即時新聞